გიორგი ვაშაძე - ჩვენმა საერთო ძალისხმევამ შედეგი გამოიღო - დარჩა მხოლოდ იმპლემენტაცია

პარტია "ახალი საქართველოს" ლიდერის, გიორგი ვაშაძის განცხადებით, ოპოზიციასა და ხელისუფლებას შორის შეთანხმება შედგა, რაც ითვალისწინებს, როგორც პოლიტპატიმრების გათავისუფლებას, ასევე პროპორციულთან მიახლოებულ საარჩევნო სისტემას.

ამის შესახებ ვაშაძემ ჟურნალისტებს შეხვედრის დასრულების შემდეგ განუცხადა.

როგორც მან აღნიშნა, საკონსტიტუციო ცვლილება ხვალ უნდა დარეგისტრირდეს. ხოლო პოლიტპატიმრების მიმართ გადაწყვეტილებები მომდევნო კვირას უნდა გახდეს ცნობილი.

„მინდა პირველ რიგში მივულოცო ყველა ადამიანს, ვინც აქტიურად მონაწილეობდა ამ პროცესში. ამდენი ქუჩის პიკეტი, ამდენი აქტივობა, ამდენი მხარდაჭერა სოციალურ ქსელში, თუ ტელევიზიის მეშვეობით, ძალიან დიდი მადლობა, რომ ჩვენმა საერთო ძალისხმევამ შედეგი გამოიღო. მოხარული ვარ, რომ შეთანხმება შედგა, შედგა ოპოზიციასა და ხელისუფლებას შორის, შედგა დიპლომატიური კორპუსის ძალიან დიდი დახმარებით და მადლობა მათ.

კონკრეტულად ვქვათ, რაზე შევთანხმდით: პოლიტპატიმრები უნდა გათავისუფლდნენ. რა თქმა უნდა, შეიძლება ვერ შევთანხმდეთ სახელწოდებებში, ისინი თვლიან თუ არა პოლიტპატიმრებად, მაგრამ ისინი უნდა გათავისუფლდნენ და ამის კონკრეტულ მექანიზმზე იყო საუბარი. „ქართულმა ოცნებამ“ თქვა, რომ ამისთვის ყველაფერს გააკეთებს, რაც შეუძლია, რომ ეს ყველაფერი უახლოეს მომავალში მოხდეს. აქ არის ორი საკითხი - შეიძლება იყოს პროკურატურის შუამდგომლობა, ან სხვა მექნიზმი, რომ აღკვეთის ღონისძიება შეეცვალოს თამლიანს, ოქრუაშვილს და რურუას. მეორე მხრივ, გიგი უგულავასთან დაკავშირებით შეიძლება გამოყენებულ იქნეს შეწყალების მექანიზმი. პრეზიდენტის მზაობა მე როგორც ვხვდები არის ამასთან დაკავშირებით.

მეორე მნიშვნელოვანი თემა არის ის, რომ მაქსიმალურად იქნება გათვალისწინებული პროპორციული მისწრაფება ამ არჩევნებში - 120 პროპორციული და 30 მაჟორიტარული მანდატით.

მესამე მნიშვნელოვანი საკითხი - არ მოხდება დაჭრა მაჟორიტარული ოლქების და მაქსიმალურად თანაბრად იქნება გადანაწილებული ისე, როგორც ეს იყო საკონსტიტუციო სასამართლოს გადაწყვეტილებაში. მეოთხე საკითხი - ასევე შევთანხმდით 1%-იან ბარიერზე, ბუნებრივ ბარიერზე, რომელიც გარკვეულ პოლიტიკურ ჯგუფებს აღელვებდა.

დღეს დარჩა მხოლოდ ამის იმპლემენტაცია, რომელიც უნდა დაიწყოს ხვალიდანვე. უნდა დაიწყოს აქტიური მუშაობა, არ უნდა მოვდუნდეთ. დღეიდან უნდა მოვემზადოთ მძლავრი საარჩევნო კამპანიის დასაწყებად, მივიდეთ თითოეულ ოჯახში და ვუთხრათ, რომ საქართველოს აქვს დიდი პერსპექტივა და ეს გადის „ქართული ოცნების“ ხელისუფლებიდან გაწევაზე“, - განაცხადა გიორგი ვაშაძემ.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა