„ტოიოტა ცენტრ თბილისის“ სარვამარტო აქციით სარგებლობას ავტომობილის მფლობელი ქალები დღის ბოლომდე შეძლებენ.
როგორც „ინტერპრესნიუს“ „ტოიოტადან“ აცნობეს, საქართველოში „ტოიოტას“ პირველი ოფიციალური დილერის სარვამარტო სპეცაქციაში ჩართვა ნებისმიერი მძღოლი ქალბატონისთვისაა შესაძლებელი, რომელიც „ტოიოტა ცენტრ თბილისს“ ტექნიკური მომსახურების მისაღებად დღის ბოლომდე მიმართავს.
როგორც „ტოიოტა ცენტრ თბილისის“ მარკეტინგისა და საზოგადოებასთან ურთიერთობის სამსახურის ხელმძღვანელი თინათინ მაკარიძე აღნიშნავს, ქალთა საერთაშორისო დღესთან დაკავშირებული აქცია „ტოიოტა ცენტრ თბილისში“ 6 მარტიდან მიმდინარეობს.
„ჩვენს სამდღიან აქციას არაერთი მძღოლი ქალბატონი გამოეხმაურა. სასიხარულოა, რომ ქალბატონებისთვის სარვამარტო აქციის პირობები საინტერესო აღმოჩნდა. 9 მარტი აქციის ბოლო დღეა და დღესაც, „ტოიოტა ცენტრი თბილისი“ მძღოლ ქალბატონებს ნებისმიერი სახის ტექნიკურ სერვისსა და ავტონაწილზე, ერთჯერადად, სარვამარტო 25%-იან ფასდაკლებას შესთავაზებს“, - აცხადებს თინათინ მაკარიძე.
თინათინ მაკარიძის ინფორმაციით, ქალბატონები, რომლებიც „ტოიოტა ცენტრ თბილისს“ სარვამარტო აქციის ფარგლებში მიმართავენ, ავტომანქანის ხელსაყრელ ფასად და უმოკლეს დროში განახლებას შეძლებენ. მათ მოემსახურებიან და ტექნიკურ საკითხებთან დაკავშირებით კონსულტაციას გაუწევენ „ტოიოტას“ ავტორიზებული სერვისცენტრის სერთიფიცირებული პროფესიონალი ტექნიკოსები.