ოპეკის ქვეყნები, დღე-ღამის განმავლობაში, ნავთობზე ფასების რეკორდული კლების გამო, 500 მილიონი აშშ დოლარის ოდენობით დაზარალდნენ, რაც დაკავშირებულია ნავთობის მოპოვების შესახებ შეთანხმების ჩავარდნასთან. ამის შესახებ „როიტერსი“ იუწყება.
ბოლო მონაცემებით, ლონდონის ბირჟაზე „ბრენთის“ მარკის ნავთობის ფასი 31.03 აშშ დოლარამდე დაეცა. თუმცა, მოგვიანებით ფასმა 35.2 დოლარამდე აიწია. რაც შეეხება „WTI“ მარკის ნავთობს, მისი ფასი 27.59 დოლარამდე დაეცა, მოგვიანებით კი 31.73 დოლარამდე აიწია.
ნავთობის ფასის დაცემა განაპირობა ინფორმაციამ იმის შესახებ, რომ ოპეკი+ ქვეყნებმა ვენაში ვერ მოილაპარაკეს ნავთობის მოპოვების დამატებით შემცირებაზე, რომელზეც მოთხოვნა კორონავირუსის გამო შემცირდა.