გიორგი მიქაუტაძის განცხადებით, ამ ეტაპზე, მის ინტერესებში არ შედის უზენაესი სასამართლოს თავმჯდომარის თანამდებობაზე საკუთარი კანდიდატურის დაყენება

იუსტიციის უმაღლესი საბჭოს მდივნის და უზენაესი სასამართლოს მოსამართლის, გიორგი მიქაუტაძის განცხადებით, ამ ეტაპზე, მის ინტერესებში არ შედის უზენაესი სასამართლოს თავმჯდომარის თანამდებობაზე საკუთარი კანდიდატურის დაყენება. ამის შესახებ გიორგი მიქაუტაძემ ჟურნალისტებს უზენაეს სასამართლოსთან განუცხადა, სადაც იუსტიციის უმაღლესი საბჭოს წევრები უზენაესი სასამართლოს მოსამართლეებთან უზენაესი სასამართლოს თავმჯდომარის კანდიდატურასთან დაკავშირებით კონსულტაციებს მართავენ. გიორგი მიქაუტაძის თქმით, საბჭოს წევრების კონსულტაცია მოსამართლეებთან პროცესის ღიაობას ემსახურება.

„მსგავს პროცედურას „საერთო სასამართლოების შესახებ ორგანული კანონი" პირველი და მეორე ინსტანციების სასამართლოებისთვის ითვალისწინებს. ჩვენ მივიჩნიეთ საჭიროდ, რომ უზენაესი სასამართლოს თავმჯდომარისთვის ასევე დაგვეწესებინა ძალიან მაღალი სტანდარტი და მხოლოდ მოსამართლეებთან კონსულტაციის შემდეგ განგვეხილა საკითხი თავმჯდომარის კანდიდატურის დასახელების თაობაზე. კონსულტაციების დასრულების შემდეგ გაიმართება იუსტიციის უმაღლესი საბჭოს სხდომა, სადაც ვიმსჯელებთ კონკრეტულ კანდიდატურასთან დაკავშირებით. საბჭოს წევრების 1/5-ს, ანუ საბჭოს მინიმუმ 3 წევრს აქვს უფლება, რომ დაასახელოს უზენაესი სასამართლოს თავმჯდონარეობის კანდიდატურა“, - განაცხადა გიორგი მიქაუტაძემ

მისი თქმით, პროცესი გამჭვირვალედ მიმდინარეობს.

„რაც შეეხება გამჭვირვალობას, ვფიქრობ, ბევრად მაღალ სტანდარტს ვაწესებთ ჩვენ, ვიდრე საკანონმდებლო რეგულაციებშია მოცემული. ჩვენი ოპონენტები ამაზე პირდაპირ მიანიშნებენ, რომ კანონი ასეთ რამეს არ ითვალისწინებს და ჩვენ პროცესის უფრო მეტი გამჭვირვალობისთვის და ღიაობისთვის ვხვდებით უზენაესი სასამართლოს მოსამართლეებს, რათა გავიგოთ მათი პოზიცია.უზენაესი სასამართლოს ყველა მოსამართლე პოტენციურად შეიძლება იყოს თავმჯდომარეობის კანდოდატი, ამიტომ ძალიან მნიშვნელოვანია მათი პოზიციების მოსმენა", - განაცხადა გიორგი მიქაუტაძემ.

რაც შეეხება უზენაესი სასამართლოს თავმჯდომარის ასარჩევად საჭირო კრიტერიუმებს, გიორგი მიქაუტაძის განმარტებით, თავმჯდომარისთვის ცალკე სახის კრიტერიუმები გათვალისწინებული არ არის, თუმცა ზოგადად „საერთო სასამართლოების შესახებ ორგანული კანონით“ მოცემულ კრიტერიუმებს უზენაესი სასამართლოს ყველა მოსამართლე აკმაყოფილებს. მისივე თქმით, სასურველია, რომ თავმჯდომარე იყოს გამოცდილი მენეჯერი.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო