ინფექციურ საავადმყოფოში აცხადებენ, რომ კორონავირუსით ინფიცირებული ერთი პაციენტის მდგომარეობა მძიმეა, თუმცა სიცოცხლისთვის სახიფათო დარღვევები არ ვლინდება

თბილისის ინფექციური საავადმყოფოს დირექტორის თენგიზ ცერცვაძის განცხადებით, კლინიკაში 40 პაციენტია მოთავსებული, აქედან 7 პაციენტის ანალიზის პასუხები რამდენიმე წუთში იქნება ცნობილი.

თენგიზ ცერცვაძემ ასევე აღნიშნა, რომ კორონავირუსის ინფექციაზე საეჭვო პაციენტების მიმართვიანობა არ გაზრდილა.

„დღეს ამ მომენტისთვის ინფექციურ საავადმყოფოში იმყოფება სულ 40 ადამიანი, ეს დაახლოებით იგივე რაოდენობაა, რაც იყო გუშინ. ახალი კორონავირუსით ინფექციაზე საეჭვო ავადმყოფების მომართვიანობის მხრივ მატება არ აღინიშნება . დღეს აღებულია მასალა, გამოკვლევა დილის საათებში აუღეს 7 პაციენტს და პასუხები იქნება ახლა წუთი წუთზე, ხოლო დღის მეორე ნახევარში აუღეს მასალა გამოსაკვლევად 17 პაციენტს და მათი პასუხები იქნება გვიან ღამით დაახლოებით 12 პირველ საათზე. ჯერჯერობით დღეს არც ერთი ახალი ინფიცირებული არ დადასტურებულა, თუმცა რამდენადაც ჯერ პასუხები არ მოსულა, ამას ასე კატეგორიულად ვერ ვიტყვი. ჩვენ შეგვიძლია ვთქვათ რომ ჩვენს ხელთ არსებული მონაცემებით, დღეს არც ერთი ახალი ინფიცირებული არ დადასტურებულა. საქართველოში რჩება 15 ინფიცირებული, აქედან 14 მკურნალობს ჩვენთან, ერთი არის საჩხერეში“,- განაცხადა თენგიზ ცერცვაძე.

მისივე თქმით, საჩხერეში მყოფი პაციენტის მდგომარეობა დამაკმაყოფილებელია. რაც შეეხება თბილისის ინფექციურ საავადმყოფოში მყოფ პაციენტებს, ცერცვაძის ინფორმაციით, ერთი პირის მდგომარეობა, როგორც მოსალოდნელი იყო დამძიმდა.

„მას არ აღენიშნება რაიმე გართულებები და სერიოზული კლინიკური ნიშნები. რაც შეეხება ჩვენთან, გამართლდა ჩვენი მოსაზრება, რომ ამ დაავადებას ახასიათებს თანდათანობით დამძიმება პირველი 2 კვირის განმავლობაში და განსაკუთრებით პირველი კვირის მანძილზე ერთი პაციენტი, რომელიც წინა დღეებში მძიმე იყო, ის რჩება მძიმედ და უტარდება ყველა საჭირო მკურნალობა. ჯერჯერობით ამ პაციენტთან რაიმე სიცოცხლისთვის სახიფათო დარღვევები ორგანოთა სისტემების მხრივ არ გამოვლენილა და ინტენსიურ თერაპიაზე გადასვლა ჯერ არ დაგვჭირვებია, მაგრამ არ არის გამორიცხული რომ დაგვჭირდეს. კიდევ სხვა პაციენტებს, რომელთაგან სამს აქვს ორმხრივი პნევმონია და ზოგიერთებს კიდევ ჰქონდათ გარკვეული გადახრები სისხლის საერთო ანალიზის მხრივ, მათი მდგომარეობა დამაკმაყოფილებელია. მართალია ზოგიერთმა კლინიკურმა სიმპტომმა მოიმატა, მაგრამ ეს არის ჩვეულებრივი მოვლენა ამ დაავადების დროს პირველი კვირის განმავლობაში და ხშირად პირველი ორი კვირის განმავლობაში გრძელდება ვირუსის რეპლიკაცია ანუ გამრავლება ორგანიზმში და ამ ვირუსის გამრავლების კვალდაკვალ კლინიკური მანიფესტაცია, შეიძლება , გაძლიერდეს. შეიძლება, პაციენტების დამძიმების ნიშნები იყოს. ჩვენთან ჯერჯერობით გარდა იმ ერთი პაციენტისა , სხვასთან დამძიმება სერიოზულად არ მომხდარა, რაც კარგია ჯერჯერობით ვინარჩუნებთ ოპტიმისტურ განწყობას. მიგვაჩნია, რომ საპასუხო ზომები, რაც ჯანდაცვის სამინისტრომ გაატარეს ინფექციის შესაკავებლად ეფექტური და დროული იყო“, - განაცხადა თენგის ცერცვაძემ.

იხილეთ ვიდეო

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო