„თავისუფალი საქართველოს“ ინფორმაციით, იაფი მედიკამენტების პროგრამას განაგრძობენ

პარტია „თავისუფალი საქართველოს“ ლიდერმა კახა კუკავამ, ქუთაისსა და წყალტუბოში, მოქალაქეებს იაფი მედიკამენტები გადასცა: კარდიომაგნილი - 3.15 ლარად (თბილისის აფთიაქებში ეს წამალი 9.82 ლარი ღირს), ტრიპლექსამი 10/2,5/10მგ - 24.01 ლარად (53.97ლარის ნაცვლად) და ტრიპლექსამი 5/1,25/5მგ - 10.34 ლარად (40.47ლარის ნაცვლად), - ამის შესახებ „ინტერპრესნიუსს“ „თავისუფალი საქართველოდან“ აცნობეს.

მათივე ცნობით, „თავისუფალი საქართველო“, იაფი მედიკამენტების პროგრამის ფარგლებში, ყველაზე მოთხოვნად პრეპარატებს მოსახლეობას თურქული აფთიაქების ფასებში აწვდის. პროგრამამ მოქალაქეების დიდი ინტერესი გამოიწვია და როგორც დედაქალაქში, ისე რეგიონებში, მოთხოვნა ყოველდღიურად იზრდება.

„საქართველოს მთავრობამ დააწესა აკრძალვა თურქეთიდან მედიკამენტების კომერციულ იმპორტზე, რის გამოც საკმარისი რაოდენობით იაფი პრეპარატების შემოტანა ვერ ხერხდება. აკრძალვის მიზანი მედიკამენტების მონოპოლიური ბაზრის შენარჩუნება და ივანიშვილის (ჯი-პი-სი, ფარმადეპო) და ოქრიაშვილის (პსპ) გამდიდრებაა.

„თავისუფალი საქართველო“, მხარდამჭერებთან ერთად, ამ მაფიოზური სინდიკატის წინააღმდეგ საპროტესტო კამპანიის დაწყებას გეგმავს. პარტია გარანტიას იძლევა, რომ როგორც კი მოიხსნება თურქეთიდან მედიკამენტების კომერციულ იმპორტზე აკრძალვა, 24 საათში საქართველოში წამლების ფასი 70-80%-ით გაიაფდება“,- ნათქვამია ინფორმაციაში.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დედამიწის დღე 2021: დედამიწის ეკოლოგიური მდგომარეობის აღდგენის უპრეცედენტო შესაძლებლობა
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა