ირაკლი კობახიძე - შემდეგი მოწვევის პარლამენტში მყარი უმრავლესობით მოვალთ, სადღაც 90 მანდატის აღება არ გაგვიჭირდება

საქართველოს პარლამენტის უმრავლესობის წევრის, პარტია „ქართული ოცნება-დემოკრატიული საქართველოს“ აღმასრულებელი მდივნის ირაკლი კობახიძის განცხადებით, „ქართული ოცნება“ მყარი უმრავლესობით მოვა შემდეგი მოწვევის პარლამენტში.

მისივე თქმით, ისინი დაახლოებით 90 მანდატს მოიპოვებენ, რაც მყარი მთავრობის ჩამოყალიბების საშუალება იქნება. ამის შესახებ მან „პალიტრანიუსის“ ეთერში, გადაცემა „360 გრადუსში“ ისაუბრა.

კობახიძის თქმით, ამ ვარაუდს საფუძვლად საზოგადოების განწყობის კვლევა და ვითარების საერთო შეფასება უდევს.

„ჩვენ ვართ დარწმუნებული, რომ მყარი უმრავლესობით მოვალთ შემდეგ პარლამენტში. ვფიქრობთ, რომ სადღაც 90 მანდატის აღება არ გაგვიჭირდება. შესაბამისად, „ქართულ ოცნებას“ ექნება მყარი უმრავლესობა და ექნება მყარი მთავრობის ჩამოყალიბების საშუალება შემდეგ პარლამენტში. ეს არის ჩვენი პროგრესი, რაც ეფუძნება, ბუნებრივია, საზოგადოების განწყობის კვლევას და ვითარების საერთო შეფასებას.

ჩვენ ვფიქრობთ, რომ შევძლებთ იმ შედეგის განმეორებას, სულ მცირე, რაც გვქონდა 2016 წლის არჩევნებში, რაც არის იმის გარანტია, რომ დაახლოებით 90 მანდატი მაინც გვექნება“, - განაცხადა ირაკლი კობახიძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია