ბესიკ თამლიანის საქმის პროკურორი - ბრალდების მხარეს მიაჩნია და სასამართლომაც გაიზიარა, რომ არსებობს ბრალდებულის მხრიდან მიმალვის, ასევე ახალი დანაშაულის ჩადენის საფრთხე

20 ივნისის საქმეზე ბრალდებული ბესიკ თამლიანის საქმის პროკურორის ვაჟა თოდუას განცხადებით, თამლიანს საპროცესო შეთანხმება 2-ჯერ შესთავაზეს, თუმცა, მან აღნიშნულთან დაკავშირებით უარი განაცხადა.

როგორც ვაჟა თოდუა განმარტავს, საქმეში არსებული მტკიცებულებები, რომელიც სასამართლოში გამოიკვლიეს, ბესიკ თამლიანის ბრალეულობას ადასტურებს.

„ბრალდების მხარე არ დაეთანხმა დაცვის მხარის შუამდგომლობას აღკვეთის ღონისძიების შეცვლასთან დაკავშირებით, ვინაიდან ამის არანაირი საფუძველი არ არსებობდა. მოცემულ შემთხვევაში ბრალდების მხარეს მიაჩნია და სასამართლომაც გაიზიარა აღნიშნული, რომ არსებობს ბრალდებულის მხრიდან მიმალვის, ასევე ახალი დანაშაულის ჩადენის საფრთხე, რის გამოც ბრალდებული პატიმრობაში დატოვა. მოცემულ შემთხვევაში ახალი გარემოება არ ყოფილა გამოკვეთილი, რის გამოც თამლიანი სასამართლომ პატიმრობაში დატოვა. ბესიკ თამლიანს, ასევე მის დედას 2-ჯერ, 13 და 21 თებერვალს შევთავაზეთ საპროცესო შეთანხმების გაფორმება, რაც მის საპატიმრო დაწესებულებიდან დაუყოვნებლივ გათავისუფლებას გამოიწვევდა, თუმცა, ბესიკ თამლიანმა უარი განაცხადა საპროცესო შეთანხმების გაფორმებაზე და საქმის არსებითი განხილვა მოითხოვა“, - განაცხადა თოდუამ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა