საქართველოში 2020 წლის იანვარში დანაშაულის 5 334 ფაქტი დაფიქსირდა

2020 წლის იანვარში, საქართველოში დანაშაულის 5 334 რეგისტრირებული ფაქტი დაფიქსირდა. აქედან 1314 საქმე შინაგან საქმეთა სამინისტრომ გახსნა. ეს მონაცემი გასული წლის ანალოგიურ პერიოდთან შედარებით დაახლოებით 400 შემთხვევითაა შემცირებული.

როგორც "ინტერპრესნიუსს" შინაგან საქმეთა სამინისტროდან საჯარო წესით გამოთხოვნილი ინფორმაციის პასუხად აცნობეს, საანგარიშო პერიოდში, ჯანმრთელობის წინააღმდეგ მიმართულ დანაშაულებზე 1014 საქმე აღიძრა, მათ შორის 481 საქმე ოჯახში ძალადობას ეხებოდა. მათგან 262 საქმე კი საგამოძიებო უწყებამ გახსნა. რაც შეეხება, ოჯახისა და არასრულწლოვნის წინააღმდეგ მიმართულ დანაშაულს, ასეთი იანვრის თვეში 5 რეგისტრირებული ფაქტი იყო. როგორც საჯარო ინფორმაციაშია აღნიშნული, უწყებამ იანვრის თვეში გაუპატიურების მუხლით 7 საქმე აღძრა, 2 მათგანი კი გახსნა.

შინაგან საქმეთა სამინისტრომ 2020 წლის იანვარში სიცოცხლის წინააღმდეგ მიმართული 299 დანაშაული დააფიქსირა, აქედან 13 გახსნილია, მათ შორის, ყველაზე მეტი 250 შემთხვევა თვითმკვლელობამდე მიყვანის მუხლით აღიძრა.

საანგარიშო პერიოდში სამართალდამცავებმა სატრანსპორტი დანაშაულის 436 რეგისტრირებული შემთხვევა დააფიქსირეს, მათ შორის ტრანსპორტის მოძრაობის უსაფრთხოებისა და ექსპლუატაციის წესების დარღვევის ფაქტზე 434 საქმე აღიძრა. მათგან 29 შემთხვევა კი დაზარალებულის სიკვდილით დასრულდა.

საგამოძიებო უწყების ინფორმაციით, 2020 წლის იანვარში ადამიანის უფლებებისა და თავისუფლებების წინააღმდეგ 313 რეგისტრირებული დანაშაული დაფიქსირდა. მათგან 218 მუქარის საქმეზე, 3 ტრეფიკინგზე. გარდა ამისა, შინაგან საქმეთა სამინისტრომ იანვრის თვეში საკუთრების წინააღმედეგ მიმართული 1998 დანაშაული დააფიქსირა, მათ შორის 1548 იყო ქურდობა.

სამართალდამცავებმა საანგარიშო პერიოდში 384 ნარკოტიკული დანაშაულის ფაქტი დააფიქსირეს, რომელთაგანაც 287 საქმე გახსნილია. იანვარში ასევე დაფიქსირდა 180 კომპიუტერული დანაშაული, 48 სამოხელეო დანაშაული, ერთი კი ტერორიზმის საქმე.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო