„ჯორჯიან უოთერ ენდ ფაუერი“ მომხმარებლებს დისტანციურ მომსახურებას სთავაზობს

„ჯორჯიან უოთერ ენდ ფაუერი“ მსოფლიო ჯანდაცვის ორგანიზაციისა და დაავადებათა კონტროლის ცენტრის რეკომენდაციებს ითვალისწინებს და სერვის ცენტრებში მოსახლეობის ვიზიტს ზღუდავს, - ამის შესახებ „ინტერპრესნიუსს“ჯორჯიან უოთერ ენდ ფაუერიდან“ აცნობეს.

მათივე ინფორმაციით, კომპანია მოსახლეობისა და თანამშრომლების უსაფრთხოების მიზნით მომხმარებელს დისტანციურად ემსახურება. დისტანციური მომსახურების ფარგლებში განაცხადებისა და დოკუმენტაციის გაგზავნა შესაძლებელია კომპანიის ელექტრონულ ფოსტაზე online@gwp.ge. განაცხადის ელქტრონული ფორმები და ყველა საჭირო დოკუმენტაციის ჩამონათვალი განთავსებულია ვებ გვერდზე - www.gwp.ge.

ახალი კორონავირუსის გავრცელების თავიდან აცილების მიზნით კომპანიამ ასევე დროებით შეაჩერა აღმრიცხველების ბინაზე ვიზიტები. შესაბამისად აღმრიცხველის მიერ არ მოხდება მრიცხველის ჩვენების აღება ბინებში დამონტაჟებული მრიცხველებიდან. ასეთი 64 000 აბონენტია, მათ აღნიშნულ პერიოდში დაერიცხებათ შეფასებითი ჩვენება, რაც გულისხმობს წინა სამი თვის მოხმარების საშუალო მაჩვენებლის დარიცხვას. 60 წლის ასაკის ზემოთ აღმრიცხველებთან დაკავშირებით კომპანია ითვალისწინებს რეკომენდაციებს და ისინი უკვე აღარ დადიან ობიექტებზე.

რაც შეეხება ტექნიკურ ბრიგადებს, რომლებიც მოსახლეობის სტაბილური წყალმომარაგების მიზნით 24 საათიან რეჟიმში მუშაობენ, მათ კომპანია ევექსი კლინიკების სამედიცინო პერსონალის დახმარებით რეგულარულ პროფილაქტიკურ სამედიცინო შემოწმებას უტარებს.

„ჯორჯიან უოთერ ენდ ფაუერი“ გაითვალისწინებს ყველა რეკომენდაციას დაავადების გავრცელების პრევენციის მიზნით.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)