ნინო ქადაგიძე სასამართლოში რაიმე კლანის არსებობას გამორიცხავს

საქართველოს უზენაესი სასამართლოს ახლადარჩეული თავმჯდომარე ნინო ქადაგიძე სასამართლოში რაიმე კლანის არსებობას გამორიცხავს.

როგორც ქადაგიძემ ჟურნალისტებს პარლამენტში, მისი არჩევის შემდეგ განუცხადა, ის დებს პირობას, რომ ნებისმიერი ზეწოლის შესახებ, ვისგანაც არ უნდა მოდიოდეს ის, საზოგადოებას აცნობებს.

„გამოვრიცხავ რაიმე კლანის არსებობას სასამართლოში. ჩვენ იურისტებს გვიყვარს ფაქტებით საუბარი და როცა ოპოზიცია ამაზე საუბრობს, ვთხოვ, რომ რამე შესაბამისი არგუმენტები ამის თაობაზე დადონ. იმ შემთხვევაში, თუ რაიმე არგუმენტი იქნება დადებული, რომელიც მე ვინმესთან დამაკავშირებს, მაშინ კიდევ უფრო დაწვრილებით და დეტალურად გავცემ პასუხებს.

მე როცა გავაცნობიერე, რა თანამდებობასაც ვიკავებდი, ჩემი ძირითადი მიზანი იყო, დავიცვა ნებისმიერი ჩემი კოლეგა, ნებისმიერი გავლენისგან, ვისგანაც არ უნდა მოდიოდეს ეს ზეგავლენები და ზემოქმედება. აქედან გამომდინარე, ვფიქრობ, ნებისმიერი ზეწოლის ფაქტი იქნება გაჟღერებული, რის პირობას ვაძლევ საზოგადოებს. მე არ მსურს გავცე დაპირებები. როგორც იტყვიან „საქმემან შენმან წარმოგაჩინოსო“ და ამას ვეცდები გაწეული მოღვაწეობით“, - განაცხადა ქადაგიძემ.

ამასთან, ქადაგიძემ აღნიშნა, რომ გარკვეული პრობლემები შეიძლება იყო კანონმდებლობის თვალსაზრისით, მაგრამ დღესდღეობით საქართველოს კონსტიტუციით მოსამართლეები ზეგავლენისგან დაცულები არიან.

„მოსამართლეებისთვის შექმნილია იმდენად მაღალი სტანდარტები დაცვის, რომ თითოეული ჩვენი მოსამართლე ვფიქრობ, კანონით არის დაცული ამ გავლენებისგან. ჩვენ ახლა ვყალიბდებით როგორც სასამართლო, ჩვენ ახლა ვდგამთ პირველ ნაბიჯებს. ჩვენ არ გვქონდა დამოუკიდებელი სასამართლოს ტრადიცია, ამიტომ, ღრმად ვარ დარწმუნებული, რომ საზოგადოება ყოველწლიურად უფრო და უფრო მაღალი ხარისხის მართლმსაჯულებას მიიღებს“, - განაცხადა ქადაგიძემ.

ცნობისთვის, უზენაესი სასამართლოს თავმჯდომარე ნინო ქადაგიძე გახდა. შესაბამისი დადგენილების პროექტი პარლამენტმა 82 ხმით არცერთის წინააღმდეგ დაამტკიცა.

შეგახსენებთ, რომ იუსტიციის უმაღლესმა საბჭომ პარლამენტს ნინო ქადაგიძის კანდიდატურა 2020 წლის 11 მარტს წარუდგინა.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)