საქართველოს ჯანდაცვის მინისტრის, ეკატერინე ტიკარაძის განცხადებით, ამ ეტაპისთვის საგანგებო სიტუაციის შემოღების საჭიროება არ დგას.

როგორც მინისტრმა ჟურნალისტებს განუცხადა, სახელმწიფო ყველაფერს აკეთებს იმისთვის, რომ ამის საჭიროება ქვეყანაში არ იყოს.

„ამ ეტაპისთვის სახელმწიფო იყენებს ყველა ეფექტურ ინსტრუმენტს იმისთვის, რომ საგანგებო სიტუაციის შემოღება ქვეყანაში არ გახდეს საჭირო. დამატებითი ღონისძიებები იქნება მეტად უფრო გამკაცრებული, თუმცა მიგვაჩნია, რომ საგანგებო სიტუაციის შემოღება არ გახდება საჭირო“, - განაცხადა ტიკარაძემ.