რესპუბლიკური საავადმყოფოს გენერალური დირექტორის ლევან გოფოძის განცხადებით, დღის განმავლობაში კლინიკა 11-მა პაციენტმა დატოვა.
როგორც მან ჟურნალისტებს განუცხადა, მათ შორის ერთი ადამიანი ბინაზე გაეწერა, ხოლო 10 თვითიზოლაციაში იმყოფება. მისი თქმით, სამი პაციენტის ანალიზის პასუხი უკვე ცნობილია და სამივე ნეგატიურია.
„დილისთვის იყო 44 პაციენტი და დღის განმავლობაში კლინიკა 11-მა პაციენტმა დატოვა, აქედან ერთი ბინაზე გაეწერა, რადგან დაკვირვების ყველანაირი ვადა გაუვიდა. დანარჩენი 10 თვითიზოლაციაში გადავიდა. დანარჩენი პაციენტები, რომლებიც ამჟამად არიან რესპუბლიკურ საავადმყოფოში, მათი მდგომარეობა დამაკმაყოფილებელია. გუშინ საღამოს გითხარით, რომ სამი პაციენტის ანალიზს ველოდებოდით, დაგვიდასტურეს, რომ სამივეს შემთხვევაში, ტესტი ნეგატიურია“,- განმარტავს გოფოძე.