გაეროს შტაბ-ბინაში მომუშავე ჟურნალისტს კორონავირუსი დაუდასტურდა

გაეროს კორესპონდენტთა ასოციაცია ერთ-ერთი ჟურნალისტის კორონავირუსით დაინფიცირების შესახებ იუწყება და ორგანიზაციის ნიუ-იორკის შტაბ-ბინის ხელმძღვანელობისგან ორი სართულისა და ბრიფინგების ოთახის გაწმენდას ითხოვს.

„ტესტმა აჩვენა, რომ ასოციაციის ერთ-ერთ წევრს ახალი კორონავირუსი აქვს. ანალიზის პასუხი 17 მარტს გახდა ცნობილი“, - ნათქვამია წერილში, რომელიც ასოციაციამ ჟურნალისტებს დაუგზავნა.

დაავადებულს ინფექცია მსუბუქ ფორმაში გამოუვლინდა და ექიმების ინსტრუქციის შესაბამისად, საკუთარ სახლში გადის თვითიზოლაციის პერიოდს.

აღნიშნული ჟურნალისტი გაეროს შტაბ-ბინაში ბოლოს 12 მარტს იმყოფებოდა და გაეროს გენერალური მდივნის სპეციალური წარმომადგენლის ბრიფინგს დაესწრო, იყო დელეგატების ოთახში და მესამე სართულზე განთავსებულ პრესის თანამშრომელთა ზონაში. მას სიმპტომები 13 მარტს გამოუვლინდა.

მანამდე გავრცელდა ინფორმაცია, რომ კორონავირუსი დაუდგინდა გაეროში ფილიპინების მუდმივი წარმომადგენლობის თანამშრომელს და შტაბ-ბინის სამდივნოს თანამშრომელს. ორივე მათგანი კარანტინშია.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა