ქვეყანაში შექმნილი ვითარების გათვალისწინებით, მიკროსაფინანსო ორგანიზაცია „ემბისი“ მომხმარებლებს, რომელთაც კორონავირუსის პანდემიის გამო შემოსავლებთან დაკავშირებით პრობლემები შეექმნათ, 3-თვიან საშეღავათო პერიოდს უწესებს. კომპანიის განმარტებით, საშეღავათო პერიოდი გავრცელდება როგორც სესხის ძირზე ასევე პროცენტზე.

„ჩვენ ქვეყანაში შექმნილი ვითარების გამო ვაცნობიერებთ სოციალურ პასუხისმგებლობას, რომელიც ჩვენი მომხმარებლების წინაშე გვეკისრება და ვიღებთ გადაწყვეტილებას, მათ, ვის შემოსავლებზეც ქვეყანაში არსებულმა მდგორმარეობამ უარყოფითი გავლენა იქონია, 3-თვიანი საშეღავათო პერიოდი დავუწესოთ. შეღავათების დეტალებთან დაკავშირდებით მომხმარებლებს ინფორმაციის მიღება შეუძლიათ „ემბისის“ ვებ-გვერდზე და Facebook გვერდზედა ყველა საჭირო პროცედურა განხორციელდება დისტანციურად, ოფისში ვიზიტის გარეშე. „ემბისი“ ზრუნავს თავის მომხმარებელზე და გისურვებთ ჯანმრთელობას და

კეთილდღეობას. ერთობლივი ძალისხმევით უახლოეს მომავალში ყველა სირთულეს დავძლევთ!“, - ნათქვამია კომპანიის განცხადებაში.

ამასთან, კომპანიის განცხადებით, თანამშრომელთა და მომხმარებელთა უსაფრთხოებისთვის მარტის დასაწყისიდან რეგულარულად ტარდება ოფისების სადეზინფექციო სამუშაოები.

გარდა ამისა, „ემბისიმ“ ქვეყანაში შექმნილი ვითარების გათვალისწინებით, შემდეგი ზომები მიიღო:

• ყველა თანამშრომელს დაურიგდა დეზინფექტორები, ერთჯერადი ხელთათმანები და დამცავი ნიღბები;

• სერვის ცენტრებში მომხმარებლებისთვის განთავსდა ანტისეპტიკურისაშუალებები;

• მომხმარებლებს კომპანიამ მოუწოდა, რომ მაქსიმალურად გამოიყენონ დისტანციური მომსახურება;

• დასუფთავსების სამსახურის წევრები ოფისებს სპეციალური ხსნარით რეგულარულად ასუფთავებენ;
• „ემბისი“ ცდილობს, შეამციროს თანამშრომლების მიერ საზოგადოებრივი ტრანსპორტის გამოყენების შემთხვევები, რისთვისაც კომპანიამ დაიწყო აქცია „დაიმგზავრე“.

• გამოვლინდნენ თანამშრომლები, რომლებიც მსოფლიო ჯანდაცვის მსოფლიო ორგანიზაციის მიერ გამოქვეყნებული კრიტერიუმებით მიეკუთვნებიან მაღალ რისკს და გადაყვანილ იქნენ დისტანციური მუშაობის რეჟიმზე;
• თანამშრომლები, რომელთაც შეუძლიათ დაკისრებული მოვალეობების შესრულება სახლიდან, ასევე გადაყვანილ იქნენ დისტანციური მუშაობის რეჟიმზე;

„ემბისი“-ს მთავარ აქტივს და ღირებულებას თანამშრომლები წარმოადგენენ. აქედან გამომდინარე, კომპანიის ხელმძღვანელობა უწყვეტ რეჟიმში აანალიზებს რისკებს, ქვეყანაში შექმნილ ვითარებას და ქვეყნის მთვრობის და ჯანდაცვის რეკომენცადიებზე დაყრდნობით დგამს დროულ და ეფექტურ ნაბიჯებს.

(R)