„საქართველოს რკინიგზის“ ინფორმაციით,  განსაკუთრებულ რეჟიმში, შეუფერხებლად მუშაობენ

„საქართველოს რკინიგზის“ გენერალური დირექტორის დავით ფერაძის განცხადებით, არსებული მდგომარეობის მიუხედავად,“ საქართველოს რკინიგზა“ განსაკუთრებულ რეჟიმში, შეუფერხებლად მუშაობს. დავით ფერაძე რკინიგზელებს მადლობას უხდის.

„ძვირფასო კოლეგებო, რკინიგზელებო! დღეს საქართველო, ისევე როგორც მთელი მსოფლიო, უდიდესი გამოწვევის წინაშე დგას. არსებული მდგომარეობის მიუხედავად, თითოეული თქვენგანის თავდაუზოგავი შრომის შედეგია, რომ „საქართველოს რკინიგზა“ განაგრძობს განსაკუთრებულ რეჟიმში, მაგრამ შეუფერხებლად მუშაობას. სატვირთო და სამგზავრო შემადგენლობები უწყვეტად მოძრაობენ იმისთვის, რომ საქართველოს მოქალაქეებს არ შეექმნათ სურსათის, საწვავის თუ გადაადგილების პრობლემა. თითოეული თქვენგანის ყოველდღიური შრომა ქვეყანაში გამოცხადებული საგანგებო მდგომარეობის მიუხედავად, საკუთარი პროფესიის, კომპანიის და სახელმწიფოს მიმართ ერთგულებისა და თავდადების საუკეთესო მაგალითია. მინდა მადლობა გადაგიხადოთ გვერდში დგომისა და დაუღალავი მუშაობისთვის, თქვენი მოქალაქეობრივი და პროფესიული პასუხისმგებლობისთვის! არსებული მდგომარეობა კიდევ უფრო მეტ პასუხისმგებლობას გვაკისრებს ქვეყნის და მოსახლეობის მიმართ. თქვენი მონდომებით და ეფექტური შრომით შევძლებთ რთული მდგომარეობიდან გამოსვლას. თქვენი თავდადება დღეს გმირობის ტოლფასია და ყოველი თქვენგანი ამ ქვეყნის უსახელო გმირია. ჩვენი შრომა საქართველოს რკინიგზის წარმატების საწინდარია, რომელიც ქვეყნის წინსვლისა და განვითარებისთვის დღეს არსებითად მნიშვნელოვანია. მჯერა, ამ გამოწვევაშიც გავიმარჯვებთ ერთად და ღირსეულ წვლილს შევიტანთ ქვეყნის აღმშენებლობაში”,- აცხადებს დავით ფერაძე, რომლის კომენტარსაც „საქართველოს რკინიგზა“ ავრცელებს.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!