ლევან გოფოძის განცხადებით, რესპუბლიკურ საავადმყოფოში მყოფ ყველა პაციენტს მოგზაურობის ისტორია არ აქვს
რესპუბლიკური საავადმყოფოს ხელმძღვანელის ლევან გოფოძის განცხადებით, კლინიკაში მყოფ ყველა პაციენტს მოგზაურობის ისტორია არ აქვს, თუმცა მათი დიდი ნაწილი უცხოეთიდან დაბრუნდა.
„ყველა პაციენტს არ აქვს მოგზაურობის ისტორია, გვყავს ერთი აეროპორტის თანამშრომელი, რომელიც გამშვებ პუნქტზე მუშაობდა. მას არავისთან კონკრეტული შეხება არ ჰქონია, მაგრამ ცხელება გამოუვლინდა და ამიტომაც იქნა გადმოყვანილი ჩვენთან. გვყავს შიდა კონტაქტები, მაგრამ ძირითადად მაინც საზღვრის კვეთის შემთხვევებია. არიან აზერბაიჯანიდან შემოსული პაციენტები, ჩეხური კონტაქტი გვყავს კიდევ რამდენიმე და ა.შ. გუშინ გვყავდა 46 პაციენტი და რადენიმე მათგანი გავუშვით, ზოგი თვითიზოლაციაში, ზოგი ბინაზე გაიწერა, რადგან ამოეწურათ საკარანტინო ვადა და ნაწილი კარანტინში იქნა გადაყვანილი“, - განაცხადა ლევან გოფოძემ.
გოფოძემ ასევე, იმ საკარანტინო ზონებზეც ისაუბრა, რომლებსაც რესპუბლიკური საავადმყოფო კურირებს და განაცხადა, რომ რუსთავის საკარანტინო ზონას, ადგილობრივი ჯანდაცვის სისტემა ჩაიბარებს თვითონ კი მხოლოდ თბილისის მასშტაბით განაგრძობენ კურირებას.
„ამწუთას ისანში საკარანტინო ზონაში არის 46 ადამიანი, მაგრამ ჩვენ მარტო ისანში არ ვკურირებთ კარანტინში მყოფ ადამიანებს. ჩვენ ასევე ვკურირებთ დიღომში, სასტუმრო „თაუერს“ და ასევე ვკურირებთ რუსთავში. თუმცა ახლა რუსთავის სასტუმროს თავის თავზე აიღებს რუსთავის ადგილობრივი ჯანდაცვის სისტემა და ჩვენ მთლიანად გადმოვალთ თბილისზე“, - განაცხადა გოფოძემ.
v-if="article.gallery" v-html="article.gallery"
