ნათია თურნავა - დღეს სხვადასხვა სასტუმროში 3 ათას ადამიანზე მეტი გვყავს კარანტინში მოთავსებული, ეს აუცილებლობა შემდგომში, ალბათ, კიდევ უფრო გაიზრდება

ეკონომიკისა და მდგრადი განვითარების მინისტრის ნათია თურნავას განცხადებით, საქართველოში საკარანტინო ობიექტების საჭიროება კიდევ უფრო გაიზრდება. მინისტრის თქმით, მთავრობა ამ საჭიროების დასაკმაყოფილებლად უკვე მზად არის.

„კარანტინის მიზნით სასტუმროებისა და განთავსების ობიექტების გამოყენება ხორციელდება მთელი საქართველოს მასშტაბით იმიტომ, რომ მოგეხსენებათ, მთელი ჩვენი სტრატეგია, ვირუსის არ გავრცელებისა და პრევენციის, ეფუძნება ძალიან ეფექტურ პრევენციულ და საკარანტინო ღონისძიებებს. სწორედ ამით ვართ ჩვენ ამდენად მყარად ამ სატატისტიკაში ბევრი სხვა ქვეყნისგან განსხვავებით. ეს იმას ნიშნავს, რომ ჩვენ დღესაც უკვე 3 ათას ადამიანზე მეტი ერთდროულად გვყავს კარანტინში მოთავსებული საქართველოს მთელს ტერიტორიაზე სხვადასხვა სასტუმროში და ეს აუცილებლობა შემდგომში, ალბათ, კიდევ უფრო გაიზრდება და ჩვენ ამისთვის წინასწარ მზად ვართ. ეს ნიშნავს, რომ სხვადასხვა სასტუმროს მაქსიმალური მობილიზება მოხდება. მადლობელი ვარ, რომ სასტუმროები ჩვენთან ძალიან კარგად თანამშრომლობენ. რა თქმა უნდა, ეს ხდება ანაზღაურებად საუძველზე, მაგრამ კარგად უნდა გვესმოდეს, რომ საჭიროება იზრდება საკარანტინო განთავსების ობიექტების. ჩვენ ვართ საგანგებო მდგომარეობის რეჟიმში. აქედან გამომდინარე, ბიზნესიც გაგებით უნდა მოეკიდოს ამას და აქ არ არის საუბარი იმაზე, რომ რაღაც მაღალი მარჟები იყოს გადასახადში ჩადებული. აქ ჩვენ ვანაზღაურებთ აუცილებელ ხარჯებს. მადლობელი ვარ, რომ საკმაოდ მაღალი დონის ბრენდირებული სასტუმროებიც შემოუერთდნენ ჩვენს მოწოდებას და გვაძლევენ საშუალებას, რომ ვისარგებლოთ მათი ფართებით და განვათავსოთ ადამიანები კარანტინის გასავლელად,“- განაცხადა ნათია თურნავამ.

მან ასევე აღნიშნა, რომ მთავრობა მომავალშიც ყველაფერს გააკეთებს იმისთვის, რომ შეუფერხებლად განხორციელდეს ადამიანების კარანტინი. მინისტრმა ამასთანავე განმარტა „საკარანტინო ზონის“ მნიშვნელობა და აღნიშნა, რომ დღეს საქართველოში საკარანტინო ზონა მხოლოდ ბოლნისისა და მარნეულის მუნიციპალიტეტებშია, სადაც მოქმედებს სრული კარანტინი.

ფარხატ მამედოვი - სომხებმა რაც უნდა ის გააკეთონ, დაგვაყენონ ფაქტის წინაშე, რომ რუსი მესაზღვრეები აღარ დგანან სომხეთ-ირანის საზღვარზე, ამის შემდეგ დადგება ახალი რეალობა და თავის პოზიციას აზერბაიჯანიც ჩამოაყალიბებს
ქართული პრესის მიმოხილვა 25.04.2024
არჩილ მორჩილაძე - AACI-ის გეგმის მიხედვით, 2024 წლის 15 სექტემბრამდე, ყველა კლინიკაში უნდა დასრულდეს ძირითადი აუდიტის პროცესი, რათა შემდეგ დარჩეს დრო ხარვეზების გამოსწორებისა და მაკორექტირებელი გეგმების წარსადგენად
თბილისში ახალი კლინიკა - ჟორდანიას სამედიცინო ცენტრი გაიხსნება
m² კოლაბორაციულ პროექტს იწყებს
GM PHARMA ამერიკის სავაჭრო პალატის (AmCham) წევრი გახდა