"არქიმ" ინფექციური საავადმყოფოს პერსონალს 20 000 ლარი გადასცა

დღეს "არქისა" და ინფექციურ საავადმყოფოს შორის მემორანდუმი გაფორმდა, რომლის თანახმადაც კომპანია 20 000 ლარს გადარიცხავს საავადმყოფოს სამედიცინო პერსონალის სახელფასო ფონდში.

„ჩვენ ვაგრძელებთ სხვადასხვა აქტივობებს კორონავირუსთან ბრძოლაში წვლილის შესატანად. დიდი მადლობა გვინდა გადავუხადოთ სამედიცინო სფეროს ყველა თანამშრომელს, რომლებიც ახლა თავდაუზოგავად შრომობენ ჩვენი მოქალაქეების კეთილდღეობისთვის,“ - აცხადებს "არქის" გენერალური დირექტორი შიო ხეცურიანი.

არქი მოუწოდებს კერძო სექტორს, შემოუერთდნენ ამ ინიციატივას და შესაძლებლობის ფარგლებში საკუთარი წვლილი შეიტანონ ქვეყნის წინაშე მდგარი გამოწვევის დაძლევაში.

„მადლობას ვუხდით კომპანია “არქის” გვერდით დგომისთვის და ჩვენი სამედიცინო პერსონალის დაფასებისთვის. კერძო სექტორის ჩართულობა და თითოეული მსგავსი ტიპის დახმარება მნიშვნელოვანია იმ დიდი საქმისთვის, რასაც კორონავირუსის დამარცხება ჰქვია. აქვე მინდა კიდევ ერთხელ მოვუწოდო მოქალაქეებს, გაითვალისწინონ რეკომენდაციები და აუცილებლობის გარეშე არ გავიდნენ სახლიდან“, - განაცხადა ინფექციური საავადმყოფოს სამედიცინო დირექტორმა მარინა ეზუგბაიამ.

"არქიმ" რამოდენიმე დღის წინ გადასცა რესპუბლიკურ საავადმყოფოს 500 ყუთი სამედიცინო ხელთათმანი, დიდი რაოდენობით სადეზინფექციო ხსნარი და სხვა საჭირო ინვენტარი, ხოლო დღეს ინფექციური საავადმყოფოს სამედიცინო პერსონალის სახელფასო ფონდში გადარიცხა თანხა.

კომპანიაში აცხადებენ, რომ ასეულობით ათას ლარს გამოყოფენ და ეტაპობრივად არაერთ აქტივობას განახორციელებენ, რათა დაეხმარონ სახელწიფოს კორონავირუსთან ბრძოლაში.

გუშინ კომპანიამ განცხადება გააკეთა, რომლის მიხედვითაც "არქის" ყველა თანამშრომელი უკლებლივ შეინარჩუნებს სამუშაო ადგილებსა და ხელფასს, მიუხედავად შექმნილი ეკონომიკური მდგომარეობისა.

"არქის" ყველა სამშენებლო ობიექტზე მუშაობა აქტიურად გრძელდება და ყველა პროექტის მშენებლობა ინტენსიურად მიმდინარეობს, რათა მობინადრეებს დათქმულ ვადაში ჩაბარდეთ ბინები. მშენებლობებზე დაცულია სანიტარული და უსაფრთხოების ზომები და თითოეული თანამშრომელი სრულად არის აღჭურვილი შესაბამისი ეკიპირებით.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!