შავლეგ მიშველაძე - საქართველოს უმსხვილესი ნავთობკომპანიები სრულ მზადყოფნაში ხვდებიან დღევანდელ უმთავრეს გამოწვევას

საქართველოს ბიზნეს ასოციაციის წევრი, ქვეყნის უმსხვილესი ნავთობკომპანიები სრულად ახორციელებენ საკოორდინაციო საბჭოს მითითებებს და იმავდროულად, ყოველდღიურად, დაუღალავად და პირუთვნელად დგანან თითოეული მოქალაქის სამსახურში“ , - აცხადებს საქართველოს ბიზნეს ასოციაციის ნავთობის, ნავთობპროდუქტებისა და გაზის კომიტეტის ხელმძღვანელი შავლეგ მიშველაძე.

მისი თქმით, ბრენდული ბენზინგასამართი სადგურები ადაპტირდა COVID 19-სგან თავდასაცავი პირველადი საშუალებებით.

“სოციალური პასუხისმგებლობა და მაღალი სამოქალაქო შეგნება უკვე წლებია ბრენდული ნავთობკომპანიების ყოველდღიურობის განუყოფელ ნაწილად იქცა. ასე იყო ქვეყნისათვის რთულ ყველა ეტაპზე - ასეა ახლაც! განსხვავებაა ისაა, რომ დღეს სერვისთან, უსაფრთხოებასთან და ხარისხთან ერთად, უპირველეს სიბრტყეზე მომხმარებლის - თითოეული ჩვენთაგანის ჯანმრთელობამ გადმოიწია. უმოკლეს ვადებში, მცირე შეფერხებებისა და ლოგისტიკური სირთულეების დაძლევის შემდეგ ბრენდული გასამართი სადგურები ადაპტირდა COVID 19-საგან თავდასაცავი პირველადი საშუალებებით. მთელი საქართველოს მასშტაბით გასამართ სადგურებზე განთავსდა სადეზინფექციო სითხეები, პირადი ჰიგიენის დაცვის საშუალებები, ხელთათმანები. პერსონალს დამატებით განემარტა თავდაცვის თითოეული საშუალების მნიშვნელობა. სამარშრუტო ტაქსებით გადაადგილების შეზღუდვის პირობებში, მომხმარებლების უსაფრთხო კომფორტის უზრუნველსაყოფად, ბრენდული ნავთობკომპანიები საჭიროების შემთხვევაში ყოველდღიურ რეჟიმში ახორციელებენ გასამართი სადგურების თანამშრომელთა ტრანსპორტირებას როგორც ავტომაგისტრალების მიმდებარე ობიექტებზე, ისე სხვადასხვა ქალაქსა თუ სოფელში. შეფერხების გარეშე მიმდინარეობს ნავთობპროდუქტების იმპორტი, შიდა ლოგისტიკური გადანაწილება და მიწოდება გასამართ სადგურებამდე. მომწოდებელი ქარხნების ქვეყნებში მოვლენების შესაძლო განვითარების მიხედვით დამუშავებულია ნავთობპროდუქტების მოწოდების ალტერნატიული მარშრუტები“, - განაცხადა შავლეგ მიშველაძემ. ინფორმაციას საქართველოს ბიზნეს ასოციაცია ავრცელებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!