ინდოეთმა ქვეყნის ყველა შტატში 21-დღიანი კარანტინი გამოაცხადა. სატელევიზიო მიმართვისას ქვეყნის პრემიერ-მინისტრმა ნარენდრა მოდიმ გამოაცხადა, რომ შუაღამიდან „სრულიად აიკრძალება სახლებიდან გასვლა.

„არც იფიქროთ სახლებიდან გასვლაზე 21 დღის განმავლობაში“, - განაცხადა პრემიერმა და აღნიშნა, რომ საზოგადოებრივი დისტანციის დაცვა ერთადერთი გზაა ვირუსის გავრცელებასთან საბრძოლველად.

ნარენდრა მოდის თქმით, ზოგიერთმა მოქალაქემ არასწორად გაიგო ქვეყანაში შექმნილი მდგომარეობა და ბოლო დღეების განმავლობაში უპასუხისმგებლოდ იქცეოდა. პრემიერ-მინისტრმა 2 მილიარდ დოლარიანი ფონდის შექმნის შესახებაც განაცხადა, საიდანაც თანხები ვირუსთან ბრძოლას და ქვეყნის ჯანდაცვის სისტემის განახლებას მოხმარდება. ოფიციალური მონაცემებით, ამ დროისთვის ინდოეთში კრონავირუსის 500-ზე მეტი შემთხვევაა გამოვლენილი და გარდაცვლილია 10 ადამიანი.