სს „ნიკორას“ ჰოლდინგში შემავალი ბრენდების პროდუქციაზე ფასები უცვლელი რჩება

სს „ნიკორას“ განცხადებით, ლარის გაუფასურების მიუხედავად, კომპანიის ჰოლდინგში შემავალი ყველა ბრენდი, რომელიც საკვებ პროდუქციას აწარმოებს, ფასებს არ ზრდის.

“ინტერპრესნიუსი“ სს „ნიკორას“ განცხადებას უცვლელად გთავაზობთ:

„მიუხედავად იმისა, რომ ჩვენი პროდუქტის ფასი პირდაპირ პროპორციულია ლარის კურსის ცვლილებასთან, რადგან ნედლეულის 80%-ზე მეტი იმპორტირებულია, მაღალი სოციალური პასუხისმგებლობით ვეკიდებით შექმნილ ვითარებას და ჰოლდინგში შემავალი ყველა ჩვენი შვილობილი კომპანია თავის წარმოებულ, 500-ზე მეტი დასახელების პროდუქტზე ინარჩუნებს აქამდე არსებულ ფასს და არც გეგმავს გაძვირებას” - განაცხადეს სს „ნიკორაში“.

სს „ნიკორა“ საქართველოში საკვები პროდუქტების ერთ-ერთი უმსხვილესი მწარმოებელია და აერთიანებს შემდეგ ბრენდებს: „ნიკორა“-ხორცპროდუქტები, „მზარეული“-ნახევარფაბრიკატები, „ოკეანე“-თევზეული, „დღის პროდუქტი“-რძის ნაწარმი, „პალომა“-ნაყინი, „პანე“-პურ-ფუნთუშეული, „24 სალათი“-მზა საკვები.

(R)

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს