ტოიოტას ოფიციალურმა წარმომადგენლობამ კავკასიის რეგიონში „ტოიოტა კავკასია“-მ სამოქალაქო და საზოგადოებრივი პასუხისმგებლობის ფარგლებში, ქვეყანაში გავრცელებულ კორონავირუსის პანდემიასთან საბრძოლველად, StopCov-ის სახელმწიფო ფონდში 50 000 ლარი ჩარიცხა.
„ეს არის ის მცირედი, რითაც დღეს ჩვენ შეგვიძლია აღნიშნულ რთულ ვითარებაში თანადგომა გამოვხატოთ, თუმცა მთავარი რა თქმა უნდა თითოეული ჩვენგანის სოციალური პასუხისმგებლობაა.
სოციალური დისტანცირება და მაქსიმალური ყურადღება ყოველი ჩვენგანის მხრიდან არის ის, რითაც ვირუსის დამარცხებას მინიმალური დანაკარგებით შევძლებთ.
ამიტომაც, ჩვენი მხრიდან, კიდევ ერთხელ მოვუწოდებთ საზოგადოების თითოეულ წევრს მაქსიმალურად გაითვალისწინოს ყველა რეკომენდაცია. აქვე, გამოვხატავთ უდიდეს პატივისცემასა და დაფასებას იმ ადამიანების გმირული თავგანწირვის მიმართ, რომლებიც დღეს ფაქტობრივად ფრონტის წინა ხაზზე მაღალ დონეზე ასრულებენ პროფესიულ საქმიანობას!“ - აღნიშნეს კომპანიაში.
(R)