„საქართველოს ინდუსტრიულმა ჯგუფმა“ #StopCov ფონდში 300 000 ლარი გადარიცხა. ამის შესახებ კომპანიის მიერ გავრცელებულ განცხადებაშია აღნიშნული.
„ინტერპრესნიუსი“ განცხადებას უცვლელად გთავაზობთ:
„მაღალი სოციალური პასუხისმგებლობის მქონე კომპანიების მხარდაჭერა გრძელდება და „საქართველოს ინდუსტრიული ჯგუფი“ უერთდება ბიზნეს ასოციაციის მიერ წამოწყებულ ბიზნეს სოლიდარობას და ,,COVID 19"-ის წინააღმდეგ საბრძოლველად წამოწყებულ აქციაში ერთვება. კომპანიამ ანგარიშზე, რომელიც მიემართება სახელმწიფო ხაზინაში გახსნილ სპეციალურ ანგარიშზე- დანიშნულებით #Stopcov ფონდი 300 000 ლარი გადარიცხა.
ვიმედოვნებთ რომ ასეთი სოლიდარობით და თანადგომით სადაც თითოეულ ჩვენთაგანს ეცოდინება სად დგას, რას აკეთებს და რისთვის, ჩვენ შევძლებთ პრობლემებთან გამკლავებას“, - ნათქვამია საქართველოს ინდუსტრიული ჯგუფის მიერ გავრცელებულ განცხადებაში.
იხილეთ ვიდეო: ანგარიშის გახსნიდან 72 საათში StopCov ფონდში 9 მლნ ლარი შეგროვდა