თბილისის ინფექციური საავადმყოფოს სამედიცინო დირექტორის მარინა ეზუგბაიას ინფორმაციით, დღეს დილით ტესტირება 10 პაციენტს ჩაუტარდა და ყველა მათგანის პასუხი უარყოფითია.

მისივე თქმით, ცენტრში ამჟამად 34 პაციენტი უცვლელი სტატუსით მკურნალობს და დღეს კიდევ 10 პაციენტის ტესტირების პასუხი გახდება ცნობილი.

„ჩვენი ცენტრის მონაცემები არ შეცვლილა. დღეს დილის პერიოდში 10 ტესტი ჩატარდა და ყველა მათგანის პასუხი უარყოფითია. ახალი დადასტურებული შემთხვევა არ გვაქვს, გვრჩება ისევ 34 პაციენტი, რომელიც ამ ეტაპზე ჩვენთან მკურნალობს უცვლელი სტატუსით. დღის მეორე ნახევარში კიდევ აღებულია 10 პაციენტზე კვლევა დღეს გვიან იქნება პასუხი მზად და ხვალ დილით მოგახსენებთ ტესტის პასუხებს“, - აღნიშნა მარინა ეზუგბაიამ.

ცნობისთვის, ამ დროის მონაცემებით საქართველოში კორონავირუსით ინფიცირების 79 შეთხვევა არის დადასტურებული, მათგან 10 გამოჯანმრთელდა.