აშშ-ის ხელისუფლებამ ნიკოლას მადურო ნარკოტერორიზმში ჩართულ დამნაშავედ გამოაცხადა და მის დაკავებაზე ჯილდოს სახით 15 მილიონი აშშ დოლარი დააწესა. ამ ინფორმაციას აშშ-ის გენერალური პროკურორი უილიამ ბარი ავრცელებს.

განცხადებაში ნათქვამია, რომ ნიკოლას მადურო ნარკოტიკებით ვაჭრობაშია ჩართული და მისი რეჟიმი მილიონობით ადამიანის უფლებას არღვევს. განცხადებაში კიდევ ერთხელ არის ხაზგასმული, რომ ვენესუელას ოპოზიციის ლიდერსა და თვითგამოცხადებულ პრეზიდენტს, ხუან გუაიდოს აშშ-ის ხელისუფლების სრული მხარდაჭერა აქვს.

„ვენესუელელი ხალხი იმსახურებს გამჭვირვალე, პასუხისმგებლიან და მოსახლეობაზე ორიენტირებულ ხელისუფლებას, რომლის მთავარი მიზანი მოსახლეობის კეთილდღეობაა. ქვეყნის ამჟამინდელი ნაკრომოვაჭრე მთავრობა კი მათ მდგომარეობას კიდევ უფრო ამძიმებს“, - ნათქვამია განცხადებაში.