რომან გოცირიძე - საქართველომ საერთაშორისო საფინანსო და საკრედიტო ორგანიზაციებს უნდა მიმართოს და საგარეო ვალის გადავადება მოითხოვოს

საქართველომ დაუყოვნებლივ უნდა მიმართოს საერთაშორისო საფინანსო და საკრედიტო ორგანიზაციებს და სახელმწიფო საგარეო ვალის გადავადება მოითხოვოს, - ამის შესახებ ფრაქცია "ნაციონალური მოძრაობის" თავმჯდომარე რომან გოცირიძემ "ინტერპრესნიუსთან" საუბრისას განაცხადა. გოცირიძის ინფორმაციით, საქართველოს მიმდინარე წლის ბიუჯეტით 1,35 მილიარდი ლარის ოდენობის საგარეო ვალის დაფარვა მოუწევს.

"საქართველომ დაუყოვნებლივ უნდა მიმართოს საერთაშორისო საფინანსო და საკრედიტო ორგანიზაციებს და სახელმწიფო საგარეო ვალის გადავადება მოითხოვოს. დაზოგილი ვალუტა უნდა დარჩეს ეროვნული ბანკის რეზერვებში, ხოლო ბიუჯეტში წარმოქმნილი რესურსები მოხმარდეს კორონავირუსთან ბრძოლას და მისი უარყოფითი სოციალური და ეკონომიკური შედეგების დაძლევას. საქართველოს მიმდინარე, 2020 წლის ბიუჯეტით უწევს საგარეო ვალის დაფარვა 1,35 მილიარდი ლარის ოდენობით. აქედან თავი ფული არის 975 მილიონი ლარი, ხოლო პროცენტი 375 მილიონი ლარი. ლარის გაუფასურების გამო, ვალის მოცულობა კიდევ უფრო გაიზრდება. დოლარში უცვლელი დარჩება და იგი შეადგენს 455 მილიონ დოლარს,"- განაცხადა გოცირიძემ.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს