მოძრაობა „შეცვალე“ - ევროპიდან საქართველოს ათასობით მოქალაქე  დახმარებას ითხოვს

ჩვენ დავიწყეთ კამპანია #ნუდამტოვებ, რათა ერთიანი ძალებით მივაწვდინოთ ხმა მათ, ვისაც შუძლიათ სასიკვდილოდ განწირული ადამიანები სამშობლოში დააბრუნონ, - ამის შესახებ განცხადებას მოძრაობა „შეცვალე“ ავრცელებს. მათივე ინფორმაციით, თითოეული პასუხისმგებლიანი სახელმწიფოს მოვალეობაა იზრუნოს საკუთარ მოქალაქეებზე და გამოიყენოს ნებისმიერი გზა მათ დასახმარებლად.

„მივმართავთ საქართველოს ხელისუფლებას - გლობალური პანდემია ებრძვის ყველას, ის არ ასხვავებს ადამიანებს პოლიტიკური ნიშნით - ნუ განასხვავებთ თქვენც! მიიღეთ ყველა ზომა იმისთვის, რომ ჩვენი მოქალაქეები უმოკლეს დროში, უსაფრთხოდ დაბრუნდნენ საქართველოში!“, - ნათქვამია მოძრაობის მიერ გავრცელებულ ინფორმაციაში.