მარინა ეზუგბაია - ცენტრში კორონავირუსით ინფიცირებული 4 პრობლემური პაციენტია, მათ შორის 2 განსაკუთრებით მძიმეა, თითქმის კრიტიკული

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ინფექციურ საავადმყოფოში 4 მძიმე პაციენტია და მათგან 2-ის მდგომარეობა თითქმის კრიტიკულია.

„ჩემს ცენტრში 4 პრობლემური პაციენტია. მათ შორის 2 განსაკუთრებით მძიმეა, თითქმის კრიტიკულია. მათი მდგომარეობა ჯერჯერობით არ არის სტაბილური, დღის განმავლობაში მათი მდგომარეობა მაინც გარკვეულწილად კვლავ მძიმედ რჩება. ამიტომ მათ გამოსავალსა და პროგნოზზე ჯერჯერობით ვერაფერს გეტყვით“,-აღნიშნა ეზუგბაიამ.

რაც შეეხება კითხვას, გამოვიდა თუ არა მწყობრიდან სატესტო აპარატი ბევრი ტესტის ჩატარების გამო, მარინა ეზუგბაია ამ ინფორმაციას არ ადასტურებს.

„ეს არაა სწორი, ჩვენი აპარატი მწყობრშია და მისი მწყობრიდან გამოსვლის შემთხვევაში ჩანაცვლება შეგვიძლია ჩვენს ცენტრს ეს არ ემუქრება. ტესტირებას გავაგრძელებთ ყველა შემთხვევაში“,-აღნიშნა ეზუგბაიმ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია