პაატა იმნაძის ინფორმაციით, მთავრობის წევრებს COVID19-თან დაკავშირებით ტესტები, ჯერჯერობით, არ უტარდებათ

დაავადებათა კონტროლის ეროვნული ცენტრის ხელმძღვანელის მოადგილის პაატა იმნაძის განცხადებით, საქართველოს მთავრობის წევრებს COVID19-თან დაკავშირებით ტესტები, ჯერჯერობით, არ უტარდებათ. როგორც მან COVID19-ის პრევენციისთვის შექმნილი საკოორდინაციო საბჭოს დასრულების შემდეგ განაცხადა, ვირუსთან ბრძოლის თვალსაზრისით ელოდებოდნენ ახალ ალგორითმებს, რომელსაც უკვე მინისტრმა ხელი მოაწერა.

„მოგეხსენებათ ახალი ალგორითმები არის . ამ ახალი ალგორითმებით ერთ-ერთი არის მაღალი რისკის მქონე პროფესიები, მაღალი რისკის მქონე პროფესიების პერიოდული ტესტირება. ხაზგასმით აღვნიშნავ, აქ ლაპარაკია, არა მოლეკულური ტესტზე, არამედ ანტისხეულების ტესტის ჩატარებაზე. ყბადაღებული ანტისხეულები რომ გვესმოდა, მსოფლიო ბაზარზე ანტისხეულების ტესტების სანდო ტესტები უკვე ნელ-ნელა გამოჩნდა. ერთ-ერთ ვერსიად შემდეგ განიხილება, რომ მაღალი რისკის ის საჯარო მოხელეები, რომლებიც ვერ შეწყვეტენ მუშაობას, რადგან ამ პერიოდში მათი მუშაობა სასიცოცხლოდ აუცილებელია ქვეყნის მართვისათვის, შესაძლოა, მათაც პერიოდულად ჩაუტარდეთ ანტისხეულის ტესტები. რა თქმა უნდა, თუ ვინმეს, რამე სიმპტომები ექნება, ის უკვე აღარ განიხილება პროფესიული თვალსაზრისით რისკის ჯგუფად. ის უკვე იქნება რისკის ჯგუფი ინფიცირების თვალსაზრისით და მას, როგორც სხვას ყველას ამ ქვეყანაში ჩაუტარდება მოლეკულური ტესტი“, - განაცხადა იმნაძემ.

იხილეთ ვიდეო: მთავრობის წევრებს COVID19-თან დაკავშირებით ტესტები, ჯერჯერობით, არ უტარდებათ

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ბაქოში ევროპის ჩემპიონატის თასი ჩაიტანეს