გიგლა მიქაუტაძე - მთავრობამ სასწრაფოდ უნდა მოიძიოს ხორბლის იმპორტის ალტერნატიული ბაზრები

საქართველოს მთავრობამ სასწრაფოდ უნდა მოიძიოს ხორბლის იმპორტის ალტერნატიული ბაზრები, - ამის შესახებ პოლიტიკური გაერთიანების ,,ლელო საქართველოსთვის’’ წევრმა გიგლა მიქაუტაძემ განაცხადა. მისი თქმით, კრიზისის გამო, რუსეთის სოფლის მეურნეობის სამინისტრო ხორბლის ექსპორტის 7 მლნ ტონამდე შეზღუდვის საკითხს განიხილავს, ხოლო საქართველოს რუსეთზე დამოკიდებულება ხორბლის შემოტანის კუთხით დღითიდღე იზრდება.

“კრიზისის გამო, რუსეთის სოფლის მეურნეობის სამინისტრო ხორბლის ექსპორტის 7 მლნ ტონამდე შეზღუდვის საკითხს განიხილავს. საქართველოში კი 2019 წელს 90 მილიონი დოლარის ღირებულების 430 000 ტონა მარცვლეული სწორედ ამ ქვეყნიდან შემოვიდა და მთლიანი იმპორტის 87 % შეადგინა. საგანგაშოა ის, რომ ამ კუთხით რუსეთზე დამოკიდებულება წლიდან წლამდე იზრდება. დღეს, როგორც არასდროს, კორონა-კრიზისმა წინა პლანზე წამოწია სასურსათო უსაფრთხოების მნიშვნელობა. სამწუხაროდ, ოფიციალური სტატისტიკის მიხედვით, ხორბლის ნათესი ფართობები ბოლო წლებში შემცირდა და 2018 წელს უკანასკნელი 10 წლის მინიმუმზე დავიდა (43 ათასი ჰა). მოხმარებული ხორბლის მხოლოდ 15 %-ია ადგილობრივი წარმოების და დანარჩენი იმპორტს შეადგენს. ამიტომ ხელისუფლებამ სასწრაფოდ უნდა გადადგას ქმედითი ნაბიჯები როგორც იმპორტის დივერსიფიკაციის, ისე ადგილობრივი წარმოების ხელშეწყობის კუთხით, რათა არ მივიღოთ ხორბლის დეფიციტი და პურზე ფასების ზრდა’’, - განაცხადა გიგლა მიქაუტაძემ, რომლის კომენტარსაც პარტიის პრესსამსახური ავრცელებს.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს