ლევან გოფოძის განცხადებით, რუსთავიდან შეყვანილი ორი პაციენტი ხელოვნური სუნთქვის აპარატზე გადაყვანას არ საჭიროებს

რესპუბლიკური საავადმყოფოს დირექტორის ლევან გოფოძის განცხადებით, მათ კლინიკაში რუსთავიდან გადაყვანილი ორი პაციენტის ჯანმრთელობის მდგომარეობა დამაკმაყოფილებელია და ისინი მართვითი სუნთქვის აპარატზე გადაყვანას არ საჭიროებენ. როგორც ლევან გოფოძე განმარტავს, მათ კლინიკაში მოთავსებული ყველა პაციენტის ისტორია შესწავლილია.

„ახალი პაციენტების ისტორია შესწავლილია, მათი ეპიდემიოლოგიური ანამნეზი არსებობს, ეს არ არის ე.წ. მეოთხეული გადაცემის შემთხვევა, როცა არ ვიცით საიდან დასნებოვნდა ადამიანი. შემიძლია დაგარწმუნოთ, რომ ყველა მათგანის ეპიდემიური ანამნეზი ცნობილია და ამ თვალსაზრისით, არც ერთი არ არის განსაკუთრებული, საგანგაშო შემთხვევა. თუმცა, საგანგაშოა ის, რომ მათ კოვიდი დადებითი აქვთ, საჭიროებენ იზოლაციას, განსაკუთრებულ მკურნალობას, განსაკუთრებული დაკვირვების ქვეშ არიან და ასე უნდა გაგრძელდეს. ვნახოთ, შემდეგში როგორ განვითარდება დაავადება. სამწუხაროდ, ამ ინფექციას ახასიათებს მოგვიანებით სტადიაზე გართულებების ჩამოყალიბება იგივე სასუნთქი სისტემის მხრივ“, - განაცხადა გოფოძემ.

მისივე განმარტებით, მძიმე ფორმით მიმდინარე კორონავირუსი არც ერთ პაციენტს არ აღენიშნება.

„როგორც ვიცი, რუსთავიდან ორი პაციენტია, ისინი ერთი ოჯახის წევრები არიან, მესამე პაციენტი რუსთავიდან არ არის. ყველა სრულწოვანია. სამივე პაციენტის მგდომარეობა დამაკმაყოფილებელია, არც ერთი არ საჭიროებს მართვით სუნთქვაზე გადაყვანას, მათი სუნთქვითი კომპონენტი ამჟამად ნორმალურია, სამივე მათგანს კომპიუტერულ-ტომოგრაფიული კვლევა გაკეთებული აქვს და არცერთ შემთხვევაში მძიმე პნევმონია არ აღინიშნება. მხოლოდ ჟანგბადის მიწოდებით ხდება სატურაციის ნორმალურ დონეზე შენარჩუნება“,- განაცხადა გოფოძემ.

მისივე განმარტებით, დღეს კვლევა კიდევ 12 პაციენტს გაუკეთდება, რომელთა პასუხებიც გვიან საღამოს იქნება ცნობილი.

იხილეთ ვიდეო

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)