ალექსანდრე ლუკაშენკო აცხადებს, რომ საჭიროების შემთხვევაში მზად არის, კორონავირუსით ინფიცირებულებს უმკურნალოს

ბელარუსის პრეზიდენტი, ალექსანდრე ლუკაშენკო აცხადებს, რომ საჭიროების შემთხვევაში ის თავად მზად არის უმკურნალოს კორონავირუსით ინფიცირებულებს. მისივე თქმით, მან ამის შესახებ ჯანდაცვის მინისტრი უკვე საქმის კურსში ჩააყენა.

„თუ რამის გაკეთება შემიძლია, უნდა მითხრათ. მე ველაპარაკე მინისტრს, ვუთხარი თუ საჭიროა ვლადიმერ სტეფანოვიჩ, მე შენთან ერთად წავალ და ხალხს ვუმკურნალებ. მან მითხრა, რომ ჯერ საჭირო არ არის“,-განაცხადა ლუკაშენკომ.

მისივე თქმით, მთავრობა ყველაფერს გააკეთებს, რომ პრობლემას „წყნარად და ლამაზად“ გაუკლავდეს.

„ყველამ თავის საქმეს უნდა მიხედოს პანიკის გარეშე, წყნარად და ლამაზად. ჩვენ ლამაზად ლამაზად გავიმარჯვოთ, ჩვენ ხალხი ღირსეულად უნდა გადავარჩინოთ. ადამიანმა არ უნდა იფიქროს, რომ ვირუსი აქვს და განწირულია სიკვდილისთვის. ასე არაა“,-აღნიშნა ლუკაშენკომ.

ცნობისთვის, ოფიციალური მონაცემებით, ბელარუსში კორონავირუსი 700 პაციენტს დაუდგინდა. ვირუსს ქვეყანაში 13 ადამიანი ემსხვერპლა.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!