„ევროპული საქართველოს“ ლიდერი დავით ბაქრაძე მოსახლეობას აღდგომის ბრწყინვალე დღესასწაულს ულოცავს და კორონავირუსის წინააღმდეგ ბრძოლაში სიმტკიცისკენ მოუწოდებს.
დავით ბაქრაძის თქმით, ის დარწმუნებულია, რომ ქვეყანა ამ ბრძოლიდან გამარჯვებული გამოვა.
„მინდა ყველას მივულოცო აღდგომის ბრწყინვალე დღესასწაული და თითოეულ ოჯახს ვუსურვო ჯანმრთელობა, მშვიდობა და სიმშვიდე. წლევანდელი აღდგომის აღნიშვნა ძალიან უჩვეულო და რთულ პირობებში გვიწევს. ჩვენ ყველა ვართ ჩართული ბრძოლაში იმ უხილავ მტერთან, რომელიც ჩვენი და ჩვენი ოჯახების ჯანმრთელობასა და სიცოცხლეს ემუქრება, მაგრამ დარწმუნებული ვარ, რომ ამ ბრძოლიდან გამარჯვებული გამოვალთ. უნდა ვიყოთ მტკიცედ, მითუმეტეს დღევანდელ დღეს, რადგან არც ერთი სხვა დღე არ არის ისეთი სიმბოლური, როგორც აღდგომა, რომელიც ყველაზე დიდი დღესასწაულია სიცოცხლის, სინათლისა და იმედის გამარჯვების. ამიტომ, მტკიცედ უნდა ვიყოთ და ყველაფერი კარგად იქნება. გილოცავთ აღდგომას, გისურვებთ ჯანმრთელობასა და სიმშვიდეს. გისურვებთ, რომ ჩვენს ქვეყანაში ყველაფერი ძალიან კარგად ყოფილიყოს“, - აცხადებს ბაქრაძე.
