რუსეთში, სანქტ-პეტერბურგში ლენექსპოს საგამოფენო ცენტრს დროებით საავადმყოფოდ გადააკეთებენ. გავრცელებული ინფორმაციით, ჰოსპიტალი 1000 საწოლიანი იქნება.

ამასთან, თავდაცვის სამინისტრო მთელი ქვეყნის მასშტაბით 16 საავადმყოფოს აშენებს. უწყების ინფორმაციით, მათი მშენებლობა მაისის შუა რიცხვებისთვის დასრულდება.

ცნობისთვის, რუსეთში კორონავირუსის დადასტურებული შემთხვევები 70 000-ს მიუახლოვდა. ქვეყანაში ვირუსს 615 ადამიანის სიცოცხლე ემსხვერპლა.