გიორგი გახარია - პანდემიის გამო უმუშევრად დარჩენილი ადამიანები 1 200 ლარიან დახმარებას მაისიდან მიიღებენ

პანდემიის გამო უმუშევრად დარჩენილი ადამიანები 1 200 ლარის ოდენობით დახმარებას მაისიდან მიიღებენ. როგორც პრემიერ-მინისტრმა გიორგი გახარიამ მთავრობის ადმინისტრაციაში გამართულ ბრიფინგზე განაცხადა, დახმარებას მოქალაქეები ფინანსთა სამინისტროს ბიუჯეტიდან მიიღებენ.

„ეს იქნება ფინანთა სამნისტროს ბიუჯეტი. ეს არის სახელმწიფოს მიზნობრივი, სოციალური დახმარება კონკრეტული მოქალაქის, კონკრეტული პირისთვის. ათვლა მოხდება საგანგებო მდგომარეობის გამოცხადებიდან და გადარიცხვები დაიწყება მაისიდან, მაშინ, როდესაც შემოსავლების სამსახურს პირველი ინფორმაცია ექნება კომპანიების მიერ ჩაბარებული დეკლარაციების სახით და მაშინ, როდესაც ჩვენ დავინახავთ, რომ ადამიანმა სამუშაო დაკარგა“, - განაცხადა გახარიამ.

შეგახსენებთ, რომ საქართველოს მთავრობა პანდემიის გამო უმუშევრად დარჩენილ ადამიანებს 6 თვის განმავლობაში 1 200 ლარით, ანუ თვეში 200 ლარით დაეხმარება.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ტერაბანკმა FMO-სგან გრძელვადიანი დაფინანსება მიიღო
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს