„საქართველოს ბანკი“ განათლების ხელშეწყობის მიზნით ახალი ინიციატივების მხარდაჭერას განაგრძობს

„საქართველოს ბანკი“ განათლების ხელშეწყობის მიზნით საინტერესო პროექტების მხარდაჭერას განაგრძობს. „საქართველოს ბანკის“ ინფორმაციით, პიროვნული და პროფესიული განვითარების პლატფორმა „კაიკონას“ ორგანიზებით და „საქართველოს ბანკის“ მხარდაჭერით, სასკოლო განათლებაში ტექნოლოგიური დამხმარე საშუალებების შექმნის მიზნით ჰაკათონი გაიმართება.

„ჰაკათონის მიზანია სკოლის მოსწავლეებისთვის(მეშვიდედან - მეთორმეტე კლასის ჩათვლით) სწავლების პროცესი უფრო საინტერესო, მარტივი და ადვილად აღსაქმელი გახდეს. არსებულმა ვითარებამ კიდევ ერთხელ დაგვანახა, თუ რამდენად მნიშვნელოვანია განათლების გაციფრულება. სამწუხაროდ, ქართულ ენაზე სულ რამდენიმე დამხმარე საშუალება, ვებგვერდი, აპლიკაცია, თუ ვიდეო არსებობს, რომელიც სასკოლო მასალის ათვისების პროცესში აქტიურად გამოიყენება. იმისთვის, რომ მოსწავლეების სწავლების პროცესი მაქსიმალურად უფრო კომფორტული გავხადოთ, ჰაკათონის მთავარი ამოცანა იქნება სასკოლო მასალის ვიზუალიზაცია, ათვისება და გააზრება უფრო ინოვაციური გახდეს. ჰაკათონი 9-10 მაისს გაიმართება და მასში მონაწილეობის მიღება ნებისმიერ დაინტერესებულ პირს, მოსწავლეს თუ მასწავლებელს შეუძლია. მონაწილეობის მისაღებად მსურველებმა ტექნოლოგიების, გრაფიკული დიზაინის, განათლების, ფსიქოლოგიის, ანიმაციის, პროექტის მენეჯმენტის და სხვა კრეატიული სფეროებიდან რეგისტრაცია შემდეგ ბმულზე უნდა გაიარონ:

https://docs.google.com/forms/d/1-CvKPRjvvujCbwn3H4cXsbXOVubAz-8kq01Lye4vBPk/viewform?edit_requested=true

ჰაკათონის 40-მა მონაწილემ 72 საათის განმავლობაში ქართველი მოსწავლეებისთვის უნდა მოიფიქრონ და შექმნან ტექნოლოგიური გადაწყვეტა: ვიდეო, ანიმაცია, ვებგვერდი, ონლაინ თამაში, აპლიკაცია ან პროგრამა. გამარჯვებული იდეის შერჩევის ერთი-ერთი მთავარი კომპონენტი იქნება მისი განხორციელებადობა, რათა იდეა თუ პროდუქტი მარტივად ინტეგრირდეს სასკოლო განათლების პროცესში. ჰაკათონის ფარგლებში პირველი ინფორმაციული, ონლაინ შეხვედრა 8 მაისს გაიმართება, სადაც ორგანიზატორები და განათლების სფეროში მომუშავე ადამიანები ისაუბრებენ განათლებისა და ტექნოლოგიების შესახებ. ისინი ჰაკათონის მონაწილეებს გააცნობენ არსებულ გამოწვევებს. მისცემენ რჩევებს, თუ რა კუთხით შეუძლიათ მიმართონ საკუთარი კრეატიული გადაწყვეტები. შემდეგი ორი დღის განმავლობაში დაკომპლექტება ჯგუფები და დაიწყება იდეებზე მუშაობა. მესამე დღის ბოლოს, 10 მაისს იქნება ონლაინ პრეზენტაციები ჟიურის წინაშე. მოგებულ სამ იდეასა და გუნდს გადაეცემა პრიზი, რათა მათ შეძლონ საკუთარი იდეის განხორციელება. ჰაკათონის შემდეგ გამარჯვებულ სამ გუნდს მენტორი სამი თვის განმავლობაში დაეხმარება მათი იდეის დახვეწასა და განვითარებაში“, - ნათქვამია ინფორმაციაში.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება