გიგლა მიქაუტაძე - მთავრობამ დასაქმებულების მინიმუმ მესამედი დახმარების გარეშე დატოვა

მთავრობამ დასაქმებულების მინიმუმ მესამედი დახმარების გარეშე დატოვა, - ამის შესახებ პოლიტიკური გაერთიანება ,,ლელო საქართველოსთვის’’ ერთ-ერთმა ლიდერმა გიგლა მიქაუტაძემ განაცხადა.

მისივე თქმით, მთავრობამ მიზერული თანხები გამოყო შემოსავლის გარეშე დარჩენილი ადამიანებისთვის, მინიმუმ 500.000 ადამიანზე მეტი ამ დახმარებასაც ვერ მიიღებს.

„ძიძები, ხელოსნები, მკერავები თუ მსგავსი ტიპის თვითდასაქმებული ადამიანები ვერ შეძლებენ ფინანსთა სამინისტროს მიერ დადგენილი მოთხოვნების დაკმაყოფილებას და დახმარების გარეშე დარჩებიან, რაც ყოვლად მიუღებელია.

თუკი სოციალური დახმარებების განაწილება გამორიცხვის პრინციპს დაეფუძნებოდა, რასაც ჩვენ ვთავაზობდით მთავრობას „ლელოს მოდელის“ მიხედვით, არც ერთი არაფორმალურად დასაქმებული არ დარჩებოდა სოციალური დახმარების გარეშე. მთავრობამ კი აირჩია მეთოდოლოგია, რომელიც საქართველოს შემთხვევაში არ მუშაობს, ვინაიდან ეკონომიკაში დიდია არაფორმალური სექტორის წილი. ოფიციალური სტატისტიკით, საქართველოში 840 000 ადამიანი თვითდასაქმებულია. თუმცა, მათგან მხოლოდ 150 000-ს გააჩნია ოფიციალური სტატუსი. ფინანსთა სამინისტროს მიერ წარმოდგენილი ინსტრუქციის მიხედვით, დახმარებას, ერთჯერადი 300 ლარის ოდენობით, მხოლოდ ის პირები მიიღებენ, ვინც დოკუმენტურად დაასაბუთებს, რომ იყო დასაქმებული’’, - განაცხადა გიგლა მიქაუტაძემ.

აღნიშნულ ინფორმაციას „ლელო საქართველოსთვის" ავრცელებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს