ლიბანში უკვე მეორე დღეა მასშტაბური საპროტესტო აქციები მიმდინარეობს. ტრიპოლიში, წუხელ დემონსტრანტებმა ბანკებს ცეცხლი წაუკიდეს და რამდენიმე მათგანი გადაწვეს. სიდონში კი ცენტრალური ბანკის ფილიალს ასაფეთქებლები დაუშინეს.

მედიის ინფორმაციით, ქვეყნის მასშტაბით ათობით ბანკის შენობაა დარბეული. მოსახლეობის პროტესტი ლიბანური ფუნტის სწრაფად გაუფასურებამ გამოწვია, რომელიც გასული ზაფხულის შემდეგ თითქმის 50 %-ით შემცირდა.

დემონსტრაციები სამართალდამცველებთან შეტაკებებში გადაიზარდა. გავრცელებული ცნობებით, არმიის მხრიდან ცეცხლის გახსნას სულ მცირე ერთი ადამიანის სიცოცხლე ემსხვერპლა.

ცნობისთვის, მასშტაბური საპროტესტო აქციები ოქტომბერში დაიწყო, ხოლო კორონავირუსის პანდემიის გამო, შეწყდა. გუშინ ხალხი ქუჩებში ისევ გამოვიდა.

იხილეთ ვიდეო:ლიბანში დემონსტრანტებმა ათობით ბანკი დაარბიეს და გადაწვეს