რუსეთში სამედიცინო უნივერსიტეტების დამამთავრებელი კურსის სტუდენტებს კორონავირუსით ინფიცირებული პაციენტების მიმღებ საავადმყოფოებში მუშაობას აიძულებენ. ინფორმაციას TheMoscowTimes ავრცელებს. გამოცემის ცნობით, სტუდენტებმა უნივერსიტეტების ადმინისტრაციიდან მიიღეს შეტყობინება, რომ მათ მოუწევდათ მოსკოვის საავადმყოფოებში ინფიცირებულებთან მუშაობა, უარის შემთხვევაში კი, ეს მათ აკადემიურ მოსწრებაზე აისახებოდა და შესაძლოა, სტიპენდია გაუქმებოდათ.
გამოცემის ცნობით, სტუდენტები საავადმყოფოებში აქამდეც მუშაობდნენ, თუმცა ახალი დირექტივებით, მათ ე.წ. წითელ ზონაში, ანუ წინა ხაზზე მოუწევთ მუშაობა.
ცნობისთვის, რუსეთში ოფიციალური მონაცემებით, კორონავირუსით ინფიცირებულთა რაოდენობამ 100 000-ს გადააჭარბა. ვირუსს ქვეყანაში 1073 ადამიანის სიცოცხლე ემსხვერპლა.