„ჩვენ გულწრფელად ვაფასებთ ჩინეთის მხრიდან საქართველოსთვის COVID-19-ის ტესტებისა და სხვა სამედიცინო მარაგების გადმოცემის ფაქტს," - ამის შესახებ საქართველოს საგარეო საქმეთა მინისტრი, დავით ზალკალიანი Twitter-ის პირად გვერდზე წერს და ჩინეთის სახალხო რესპუბლიკას გაწეული დახმარებისთვის მადლობას უხდის.

„მაშინ როცა კორონავირუსი ჯერ კიდევ ზემოქმედებს ჩვენს საზოგადოებაზე, მსგავსი სახის დახმარება განსაკუთრებით მნიშვნელოვანია. თქვენი მხარდაჭერა ნამდვილად ახდენს ცვლილებას!"- წერს ზალკალიანი.

„აღსანიშნავია, რომ ჩინეთის მთავრობის სახელით საქართველოს საჩუქრად 50 ტონამდე სამედიცინო ტვირთი გადმოეცა“, - აღნიშნულია საგარეო უწყების მიერ გავრცელებულ ინფორმაციაში.