ნათია თურნავა და ლევან დავითაშვილი აგარის შაქრის ქარხანაში მიმდინარე სარეკონსტრუქციო სამუშაოებს გაეცნენ

საქართველოს ეკონომიკისა და მდგრადი განვითარების მინისტრი ნათია თურნავა და გარემოს დაცვისა და სოფლის მეურნეობის მინისტრი ლევან დავითაშვილი აგარის შაქრის ქარხანაში მიმდინარე სარეკონსტრუქციო სამუშაოებს გაეცნენ. ამის შესახებ „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს.

მათივე ინფორმაციით, აგარის შაქრის ქარხანა ერთ-ერთი პირველი საწარმოა, რომელიც მთავრობის ადგილობრივი წარმოების ხელშეწყობის პროგრამის საფუძველზე ამოქმედდება. ამჟამად საწარმოს ტერიტორიაზე სარემონტო და სარეკონსტრუქციო სამუშაოები მიმდინარეობს, რომლის დასრულების შემდეგაც 500 ადგილობრივი მოსახლე ქარხანაში დასაქმდება, საწარმოს გამოშვებული პროდუქცია - შაქარი ადგილობრივი ბაზრის მოთხოვნის დიდ ნაწილს დააკმაყოფილებს.

ნათია თურნავას განცხადებით, აგარაში მდებარე შაქრის კომბინატი ისტორიული ქართული საწარმოა, რომელმაც პირველი პროდუქცია გასული საუკუნის 30-იან წლებში გამოუშვა.

„მნიშვნელოვანია, რომ აგარის შაქრის ქარხნის მუშაობის განახლება ჩვენი საინვესტიციო სტრატეგიის ფარგლებში გახდა შესაძლებელი, რომელიც მიზნად ისახავს ადგილობრივი ქართული წარმოების აღორძინებასა და ბაზრის საკუთარი პროდუქციით მომარაგებას. სარემონტო სამუშაოების დასრულების შემდეგ, საწარმო სრული დატვირთვით ამოქმედდება. შედეგად, საქართველოს ბაზრის დიდი ნაწილი ადგილობრივი წარმოების შაქრით მომარაგდება. ასევე ძალიან მნიშვნელოვანია, რომ საწარმოში დასაქმდება 500 ადგილობრივი მოსახლე,“ - განაცხადა ნათია თურნავამ.

მისივე თქმით, ეკონომიკისა და სოფლის მეურნეობის სამინისტროებს დაგეგმილი აქვთ პროექტები, რომლის მიზანსაც სოფლის მეურნეობის სამრეწველო გადამუშავების საწარმოთა განვითარება და საქართველოს ბაზრის ადგილობრივი აგროწარმოების პროდუქციით მომარაგება წარმოადგენს.

გარემოს დაცვისა და სოფლის მეურნეობის მინისტრის ლევან დავითაშვილის განცხადებით, აგარის შაქრის ქარხანაში წარმოების განსაახლებლად მიმდინარეობს სამუშაოები, რაც ძალიან მნიშვნელოვანია.

„ჩვენ ხელს ვუწყოთ ქართულ წარმოებას, რათა დავაკმაყოფილოთ ადგილობრივი ბაზრის მოთხოვნა ქართული პროდუქციით. ამიტომ ადგილობრივ ხელისუფლებასთან, ეკონომიკის სამინისტროსთან ერთად გვაქვს კომუნიკაცია ქარხნის ხელმძღვანელობასთან. ვფიქრობ რომ ეს არის ძალიან მნიშვნელოვანი გეგმა, რომლის მიხედვითაც რამდენიმე ასეული ადამიანი შეძლებს, განაახლოს მუშაობა აგარის ქარხანაში“, - განაცხადა ლევან დავითაშვილმა.

უწყების ინფორმაციით, აგარის შაქრის ქარხანა 2020 წლის ივნისიდან ამოქმედდება და ადგილობრივ ბაზრის მოთხოვნის დიდ ნაწილს შაქრის მიწოდებაზე დააკმაყოფილებს, რაც ძალიან მნიშვნელოვანია ქვეყნის სასურსათო უსაფრთხოების თვალსაზრისით.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება