საქართველოს მოქალაქეები სპეცრეისით დღეს ავსტრიიდან დაბრუნდებიან

ავიაკომპანია Myway Airlines ავსტრიაში მყოფი საქართველოს მოქალაქეების სამშობლოში დასაბრუნებლად დღეს 1-ელ მაისს ჩარტერულ რეისს განახორციელებს, - ამის შესახებ „ინტერპრენიუსს“ ავიაკომპანიიდან აცნობეს.

მათივე ინფორმაციით, ვენა-თბილისის სპეცრეისით, საქართველოში ავსტრიაში მყოფი და ასევე ვენაში ტრანზიტულად მყოფი საქართველოს 100-მდე მოქალაქე დაბრუნდება. მგზავრთა შორის არიან საქართველოს არასრულწლოვანი მოქალაქეები, ხანდაზმული პირები, სტუდენტები და ორსული ქალი.

„Myway Airlines-ის კუთვნილი ბოინგი, თბილისის საერთაშორისო აეროპორტიდან 16:30 საათზე გაფრინდება, საქართველოში კი 00:15 საათზე დაბრუნდება.

სოციალური პასუხისმგებლობის ფარგლებში, მორიგ სპეციალურ რეისს, ავიაკომპანია თვითღირებულებით ასრულებს.

საქართველოს მოქალაქეების ტრანსპორტირების პროცესში, Myway Airlines ჯანმრთელობის მსოფლიო ორგანიზაციის რეკომენდაციებით ხელმღვანელობს. ინფექციების გავრცელების თავიდან აცილების მიზნით, თვითმფრინავში, მგზავრების განლაგება მოხდება ჭადრაკისებრი პრინციპით, ხომალდის ეკიპაჟი კი შემოსილი იქნება სპეციალური აღჭურვილობით.

მგზავრებს თბილისის აეროპორტში ჩაუტარდათ, შემოწმება რის შემდეგაც, ყველა მგზავრი, გაივლის 14-დღიან სავალდებულო კარანტინს“, - აცხადებენ ავიაკომპანიაში.

იხილეთ ვიდეო: საქართველოს მოქალაქეები სპეცრეისით დღეს ავსტრიიდან დაბრუნდებიან