მთავრობა დღევანდელ სხდომაზე მოქალაქეების მიზნობრივი დახმარების პროგრამას დაამტკიცებს

მთავრობის ადმინისტრაციაში მინისტრთა კაბინეტის სხდომა გაიმართება. სხდომაზე აღმასრულებელი ხელისუფლება პანდემიის გამო უმუშევრად დარჩენილი მოქალაქეების მიზნობრივი დახმარების პროგრამას დაამტკიცებს. კერძოდ, „საგადასახადო კოდექსში“ ცვლილებებს ფინანსთა მინისტრი ივანე მაჭავარიანი წარადგენს.

მთავრობის დღევანდელი სხდომის დღის წესრიგში სულ 10 საკითხია შეტანილი, მათ შორის, მინისტრთა კაბინეტი განიხილავს „ენერგეტიკისა და წყალმომარაგების შესახებ“ კანონში ცვლილებებსაც, რომლის მომხსენებელიც ეკონომიკის მინისტრი ნათია თურნავა იქნება.

სხდომა 11:00 საათზე დაიწყება და მას ტრადიციულად, პრემიერ-მინისტრი, გიორგი გახარია უხელმძღვანელებს.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს