მომსახურების დისტანციურად მიღების მიზნით, სილქნეტი, სემეკთან და კომუნალური მომსახურების მიმწოდებელ კომპანიებთან ერთად, თავის მომხმარებელს უფასო და მარტივ სერვისს სთავაზობს.

დღეიდან, სილქნეტის ყველა მომხმარებელს შეეძლება, სახლიდან გაუსვლელად, ელექტროენერგიის, ბუნებრივი გაზისა და წყალმომარაგების მომსახურებების მიღება და მართვა მობილურიდან *303# კოდის აკრეფით. ამ კომბინაციით, მომხმარებლებს საშუალება ექნებათ ინტერნეტთან წვდომისა და ყოველგვარი საკომისიო გადასახადის გარეშე, განახორციელოს მისთვის სასურველი ოპერაცია:

• ნახოს მიმდინარე ბალანსი;
• მოითხოვოს ელექტრონული ქვითარი;
• გაიგოს ელექტროენერგიის/სასმელი წყლის/ბუნებრივი გაზის ქსელში გეგმური/არაგეგმიური წყვეტის შესახებ ინფორმაცია და მომარაგების აღდგენის დრო;
• დააფიქსიროს მომარაგების წყვეტა, ოპერატიულად რეაგირებისთვის;
• მოთხოვნის შემთხვევაში, გაუგზავნოს კომუნალურ საწარმოს მრიცხველის ჩვენება;
• დაარეგისტრიროს მობილურის ნომერი სასურველ აბონენტზე;
• შეამოწმოს აბონენტზე უკვე რეგისტრირებული ნომრები და წაშალოს სხვა ნომრები;
• გაიგოს საწარმოს მისამართი და ცხელი ხაზის ნომერი.

აღწერილი ოპერაციების არჩევანი მომხმარებელს სასურველი სექტორის მონიშვნის შემდგომ ეძლევა. კერძოდ, *303# აკრეფისას, მომხმარებელი ირჩევს ერთ-ერთ სექტორს: გაზი, ელექტრო ენერგია, წყალი, ა.შ. სექტორის არჩევის შემდეგ, მომხმარებლის ეკრანზე გამოჩნდება აბონენტის ნომრები, სადაც საკონტაქტოდ მითითებული აქვს რეგისტრირებული მობილური ნომერი. მომხმარებელს შეუძლია აირჩიოს ჩამოთვლილი აბონენტის ნომრებიდან ერთ-ერთი და არჩეულ აბონენტის ნომერზე განახორციელოს მისთვის სასურველი ქმედება.

303# კოდით მომსახურება ვრცელდება მთელი საქართველოს მასშტაბით. სერვისით სარგებლობა შეუძლიათ კომუნალური მომსახურების კომპანიების - სს „თელასის“, სს „ენერგო პრო ჯორჯიას“, შპს „სოკარ ჯორჯია გაზის“, სს „საქორგგაზის“, შპს „ჯორჯიან უოთერ ენდ ფაუერის“, შპს „მცხეთის წყალის“, შპს „რუსთავის წყალის“ და სს „საქართველოს გაერთიანებული წყალმომარაგების კომპანიის“ აბონენტებს.

მობილური ტელეფონის მეშვეობით საკუთარ კომუნალურ მომსახურებებზე წვდომა მარტივი და მოქნილი საშუალებაა, რაც მომხმარებელს გაუადვილებს ამ მომსახურებების მართვას და გაკონტროლებას, სახლიდან გაუსვლელად. *303#-ით მომსახურება ხელმისაწვდომია ყველა ტიპის მობილური ტელეფონისთვის და არ საჭიროებს სპეციალური პროგრამის ჩამოტვირთვას.

აღნიშნული სერვისი სილქნეტმა საქართველოს ენერგეტიკისა და წყალმომარაგების მარეგულირებელ ეროვნულ კომისიასთან და კომუნალური მომსახურების მიმწოდებელ კომპანიებთან თანამშრომლობით განსაკუთრებულად დაჩქარებულ რეჟიმში განავითარა, რათა, პანდემიის პერიოდში, დროულად შეეთავაზებინა მოსახლეობისთვის კიდევ ერთი აუცილებელი სერვისის დისტანცირებული მართვის საშუალება.

(R)