ესპანეთში, ბოლო 24 საათის განმავლობაში, კორონავირუსით კიდევ 244 ადამიანი დაიღუპა და ამ მონაცემით, გარდაცვლილთა საერთო რაოდენობა 25 857-მდე გაიზარდა, - ამის შესახებ ინფორმაციას ქვეყნის ჯანდაცვის სამინისტრო ავრცელებს.

მათივე ინფორმაციით, ბოლო დღე-ღამის განმავლობაში ესპანეთში კორონავირუსის 685 ახალი შემთხვევა გამოვლინდა, რაც წინა დღესთან შედარებით გაცილებით დაბალი მაჩვენებელია, როდესაც „კოვიდ 19“-ი 867 ადამიანს დაუდასტურდა.

ქვეყანაში დაინფიცირებულთა რაოდენობამ 220 325-ს მიაღწია, გამოჯანმრთელებულია 126 000 ადამიანი.