დავით ზალკალიანი პოლონელ კოლეგას იაცეკ ჩაპუტოვიჩს კორონავირუსთან დაკავშირებით ესაუბრა

საქართველოს საგარეო საქმეთა მინისტრ დავით ზალკალიანსა და მის პოლონელ კოლეგას იაცეკ ჩაპუტოვიჩს შორის სატელეფონო საუბარი გაიმართა.

როგორც “ინტერპრესნიუსს“ საგარეო საქმეთა სამინისტროდან აცნობეს, პოლონურმა მხარემ მაღალი შეფასება მისცა საქართველოს მთავრობის მიერ კორონავირუსის წინააღმდეგ გატარებულ ეფექტიან ღონისძიებებს.

„საუბარი პოლონური მხარის ინიციატივით შედგა. მხარეებმა გაუზიარეს ერთმანეთს კორონავირუსის პანდემიასთან გამკლავების პროცესში მიღებული ზომები და არსებული ვითარება. პოლონურმა მხარემ მაღალი შეფასება მისცა საქართველოს მთავრობის მიერ კორონავირუსის წინააღმდეგ გატარებულ ეფექტიან ღონისძიებებს.

იაცეკ ჩაპუტოვიჩმა დაადასტურა, პოლონეთის მტკიცე მხარდაჭერა საქართველოს ევროპული და ევროატლანტიკური ინტეგრაციისადმი, ისევე როგორც ქვეყნის სუვერენიტეტისამი და ტერიტორიული მთლიანობისადმი საერთაშორისო აღიარებულ საზღვრებში. მან დაგმო რუსეთის ფედერაციის დესტრუქციული პოლიტიკა საქართველოს წინააღმდეგ და ის ფაქტი, რომ პანდემიის პირობებშიც კი რუსეთი აგრძელებს მავთულხლართების და გამყოფი ხაზების აღმართვას.

ევროკავშირთან ურთიერთობებზე საუბრისას მხარეებმა დაადასტურეს ცალსახა მხარდაჭერა აღმოსავლეთ პარტნიორობის, როგორც ევროკავშირის სტრატეგიული და ამბიციური ინიციატივისადმი. დავით ზალკალიანმა მადლობა გადაუხადა კოლეგას პოლონეთის, როგორც ინიციატივის ერთ-ერთი ავტორის ძალისხმევას ევროკავშირსა და აღმოსავლეთ პარტნიორ ქვეყნებს შორის ურთიერთობების გაძლიერებისთვის. ხაზი გაესვა აღმოსავლეთ პარტნიორობის მომავალი სამიტის მნიშვნელობას და ამ კონტექსტში დავით ზალკალიანმა დეტალურად ისაუბრა ქართული მხარის პრიორიტეტებსა და მოლოდინებზე სამიტთან დაკავშირებით.

სატელეფონო საუბრისას, მხარეებმა ასევე ისაუბრეს ორმხრივი თანამშრომლობის გაღრმავების მნიშვნელობაზე. განსაკუთრებული აქცენტი გაკეთდა პანდემიის შედეგად დაზარალებული ეკონომიკისა და ტურიზმის სექტორის მხარდაჭერაზე. დავით ზალკალიანმა პოლონელ კოლეგას გააცნო პრემიერ-მინისტრის მიერ გაჟღერებული ინიციატივები ტურიზმის გახსნის ანტიკრიზისული გეგმის თაობაზე. მან განსაკუთრებული მადლობა გამოხატა პანდემიის პირობებში პოლონეთის ავიახაზების [LOT] მიერ გაწეული დახმარებისთვის საქართველოს მოქალაქეების სამშობლოში დასაბრუნებლად; დავით ზალკალიანმა გამოთქვა მზაობა პოლონურ მხარესთან ტურიზმის აღდგენისა და გააქტიურების მიმართულებით და აღნიშნა, რომ 1-ლი ივლისიდან საქართველო გეგმავს მიიღოს საერთაშორისო ტურისტები”, - აღნიშნულია ინფორმაციაში.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია