ფრანკ-ვალტერ შტაინმაიერი - თუ ვერ შევინარჩუნებთ ერთიან ევროპას ამ პანდემიის ჟამს, დავამტკიცებთ, რომ 8 მაისის ღირსნი არ ვართ

გერმანიის კანცლერმა, ანგელა მერკელმა და პრეზიდენტმა ფრანკ ვალტერ შტაინმაიერმა მეორე მსოფლიო ომში, ევროპის გათავისუფლებისთვის დაღუპულებს პატივი მიაგეს. პრეზიდენტი გამარჯვების დღესთან დაკავშირებით, სიტყვითაც გამოვიდა და ევროპას ერთიანობისკენ მოუწოდა.

„კორონავირუსის პანდემია გვაიძულებს მარტომ აღვნიშნოთ, ცალკე მათგან, ვინც ჩვენთვის ასე მნიშვნელოვანია და ვისი მადლობლებიც ვართ. 1945 წელს კი ჩვენ მართლა მარტონი ვიყავით, დამარცხებულნი, ეკონომიკურად დანგრეულნი და მორალურად განადგურებულნი. ჩვენ მთელი მსოფლიოსგან მტერი შევქმენით, თუმცა დღეს, 75 წლის შემდეგ, ჩვენ მარტო აღარ ვართ და თუ ჩვენ ვერ შევინარჩუნებთ ერთიან ევროპას ამ პანდემიის ჟამს, მაშინ დავამტკიცებთ, რომ 8 მაისის ღირსნი არ ვართ. დღეს, ჩვენ, გერმანელებს შეგვიძლია ვთქვათ, რომ გათავისუფლების დღე მადლიერების დღეა. დღეს კი ჩვენ ჩვენი თავი ნაციონალიზმის ცდუნებისგან, ავტორიტარიანიზმის ცდუნებისგან, უნდობლობისგან, იზოლაციისგან და მტრობისგან უნდა გავითავისუფლოთ“,- აღნიშნა შტაინმაიერმა.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს