„ჯორჯიან მანგანეზი“ სოციალურ ქსელში წამოწყებულ კამპანიას – #შენმნიშვნელოვანიხარ უერთდება და სხვადასხვა სფეროს წარმომადგენლებს პანდემიის ფონზე მუშაობისთვის მადლობას უხდის. ამის შესახებ „ინტერპრესნიუსს“„ჯორჯიან მანგანეზიდან“ აცნობეს.

მათივე ცნობით, ფოტოგრაფისა და ბლოგერის, გოგა ჩანადირის მიერ დაწყებულ სოციალურ კამპანიას – #შენმნიშვნელოვანიხარ, რიგირთი მოქალაქეებთან ერთად, საზოგადოებისთვის ცნობადი სახეები და მსხვილი კომპანიებიც შეუერთდნენ.

„მიმართვაში ნათქვამია, რომ ქართულ ეკონომიკას დღეს, როგორც არასდროს, მხარდაჭერა სჭირდება და რომ დღეს, როგორც არასდროს, მნიშვნელოვანია იმ ადამიანების დაფასება, ვინც საგანგებო მდგომარეობის დროს თავდაუზოგავად შრომობდნენ. ესენი არიან მაღაროელები თუ მეტალურგები – მძიმე მრეწველობის სფეროდან, სააფთიაქო, ავტოგასამართი სადგურებისა და სუპერმარკეტების ქსელების, სამშენებლო კომპანიების, დასუფთავების სამსახურების, მიმწოდებელი ფირმებისა თუ ფოსტის თანამშრომლები და ა.შ. აღსანიშნავია, რომ გოგა ჩანადირის მიერ „ფეისბუქით” დაწყებულ კამპანიას, რიგითი მოქალაქეების გარდა, არაერთი მსხვილი კომპანია, მათ შორის, „ჯორჯიან მანგანეზი”, „საქნახშირი”, „არემჯი”, „ანაგი”, „აგრომაქს დეკორი” და სხვები შეუერთდნენ“, - ნათქვამია ინფორმაციაში.