ქეთევან ციხელაშვილმა ევროკავშირის სადამკვირვებლო მისიის ხელმძღვანელთან გაცნობითი ხასიათის ონლაინ შეხვედრა გამართა

შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა ევროკავშირის სადამკვირვებლო მისიის (EUMM) ხელმძღვანელთან, მარეკ შჩიგელთან გაცნობითი ხასიათის ონლაინ შეხვედრა გამართა. ამის შესახებ ინფორმაციას სახელმწიფო მინისტრის პრესსამსახური ავრცელებს.

მათივე ცნობით, შეხვედრაზე კორონავირუსის პანდემიის ფონზე საოკუპაციო ხაზის გასწვრივ არსებული ვითარება განიხილეს, ხაზი გაესვა რთულ ჰუმანიტარულ მდგომარეობას, რომელთან გამკლავებაც, მავთულხლართების ორივე მხარეს მცხოვრებ მოსახლეობას ყოველდღიურად უწევს. აქცენტი გაკეთდა საოკუპაციო ხაზზე მავთულხლართებისა და სხვადასხვა ხელოვნური ბარიერების უკანონო აღმართვის პროცესთან დაკავშირებით. "ისაუბრეს ადმიანის უფლებათა დარღვევის ფაქტებზე, განსაკუთრებული ყურადღება დაეთმო ახალგორისა და გალის რაიონში არსებულ მძიმე მდგომარეობასა და მაცხოვრებელთა ეთნიკური ნიშნით შევიწროებას.

სახელმწიფო მინისტრმა პანდემიის პირობებში ევროკავშირის სადამკვირვებლო მისიის მნიშვნელოვან როლზე ისაუბრა საოკუპაციო ხაზის გასწვრივ სტაბილურობისა და უსაფრთხოების უზურუნველყოფის კუთხით. შეხვედრაზე საუბარი შეეხო სამომავლო თანამშრომლობის გაღრმავების საკითხსაც. ქეთევან ციხელაშვილმა ევროკავშირის სადამკვირვებლო მისიის ხელმძღვანელს თანამშრომლობისთვის მადლობა გადაუხადა" , - ნათქვამია განცხადებაში.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა